હોર્મુઝ : દુનિયાના સૌથી મહત્વના દરિયાઈ માર્ગ હોર્મુઝની સામુદ્રધુનીમાં હાલ ભારેલા અગ્નિ જેવી સ્થિતિ છે. એક તરફ અમેરિકાએ ઈરાન પર સકંજો કસ્યો છે, તો બીજી તરફ યુરોપિયન દેશોએ અમેરિકા વગર જ પોતાનો અલગ રસ્તો શોધવાનું શરૂ કર્યું છે!
અમેરિકાએ ઈરાન ફરતે ભીંસ વધારી: 36 કલાકમાં દરિયાઈ વેપાર ઠપ્પ! 🚫⚓
હોર્મુઝ : તાજેતરના અહેવાલો મુજબ, અમેરિકાની સેન્ટ્રલ કમાન્ડ (CENTCOM) એ ઈરાનના બંદરોની સંપૂર્ણ નાકેબંધી (Blockade) કરી દીધી છે. અમેરિકાનો દાવો છે કે માત્ર 36 કલાકની અંદર તેમણે ઈરાનનો તમામ દરિયાઈ વેપાર અટકાવી દીધો છે. ઈરાનનું અર્થતંત્ર 90% જેટલું દરિયાઈ વેપાર પર નિર્ભર છે, જે હવે જોખમમાં છે.
આ મિશનમાં અમેરિકાના 10,000 થી વધુ સૈનિકો અને ડઝનબંધ યુદ્ધજહાજો જોડાયેલા છે. પ્રથમ 24 કલાકમાં એક પણ જહાજ આ બ્લોકેડ તોડી શક્યું નથી અને 6 વેપારી જહાજોને પાછા મોકલી દેવામાં આવ્યા છે.
હોર્મુઝ : યુરોપની મોટી ચાલ: અમેરિકા વગર બનશે નવું સૈન્ય ગઠબંધન! 🇪🇺⚔️
આ તણાવ વચ્ચે ફ્રાન્સ અને જર્મની જેવા યુરોપિયન દેશોએ એક ચોંકાવનારો પ્લાન તૈયાર કર્યો છે. આ દેશો હોર્મુઝની સામુદ્રધુનીમાં જહાજોની સુરક્ષા માટે એક નવું ગઠબંધન બનાવી રહ્યા છે, જેમાં સૌથી મહત્વની વાત એ છે કે તેઓએ અમેરિકાને આમાંથી બાકાત રાખવાનો નિર્ણય લીધો છે. ફ્રાન્સના રાષ્ટ્રપતિ ઈમેન્યુઅલ મેક્રોને સ્પષ્ટ કર્યું છે કે આ મિશનમાં “યુદ્ધમાં સામેલ” પક્ષો એટલે કે અમેરિકા, ઈઝરાયેલ અને ઈરાનનો સમાવેશ કરવામાં આવશે નહીં.
શા માટે યુરોપ અમેરિકાને બાકાત રાખી રહ્યું છે? 🤔
હોર્મુઝ : યુરોપિયન દેશો ઈચ્છે છે કે યુદ્ધ સમાપ્ત થયા પછી વૈશ્વિક શિપિંગ કંપનીઓ ફરીથી આ માર્ગનો ઉપયોગ કરતા થાય. તેઓ આ વિસ્તારમાં કોઈ અમેરિકન કમાન્ડ વગર પોતાની નૌકાદળ તૈનાત કરવા માંગે છે. આ પ્લાનમાં જર્મનીનું જોડાવું પણ મોટી વાત છે, કારણ કે અત્યાર સુધી જર્મની દરિયાપારના સૈન્ય ઓપરેશન્સથી દૂર રહેતું હતું.
ટેક્સના નામે વસૂલાત અને સુરક્ષાનો ખતરો 💸
હોર્મુઝ : આંતરરાષ્ટ્રિય મીડિયા પ્રમાણે ઈરાન આ માર્ગ પરથી પસાર થતા દરેક જહાજ પાસેથી 20 લાખ ડોલરનો ટોલ ટેક્સ વસૂલી રહ્યું હતું. ઈરાને દરિયામાં બિછાવેલી માઈન્સ (Mines) ને કારણે જહાજોએ લાડક આઈલેન્ડ તરફ વળવું પડતું હતું.
હવે યુરોપિયન દેશો માઈન્સ હટાવવા માટે ખાસ જહાજો પણ તૈનાત કરવાની યોજના બનાવી રહ્યા છે.
પકિસ્તાન : વરદી પાકિસ્તાનની પણ વફાદારી અમેરિકાની? ટ્વિટર પર મીમ વાયરલ થતા આખા વિશ્વમાં થઈ ફજેતી
