🚨 DGP જી.એસ. મલિકનો ‘માસ્ટરસ્ટ્રોક’ : ગાંધીનગરના ધક્કા બંધ! હવે તમારા જ વિસ્તારમાં પોલીસ અધિકારીઓ તમારી વાત સાંભળશે 👮♂️
અમદાવાદ/ગાંધીનગર: રાજ્યના સામાન્ય નાગરિકો માટે એક ખૂબ જ રાહતના સમાચાર સામે આવ્યા છે. અવારનવાર આપણે જોઈએ છીએ કે નાની એવી ફરિયાદ કે ન્યાય મેળવવા માટે લોકોએ છેક ગાંધીનગર ડીજીપી કચેરી કે સચિવાલય સુધી લાંબા થવું પડતું હોય છે. આ સમસ્યાનો કાયમી ઉકેલ લાવવા માટે રાજ્યના પોલીસ વડા (DGP) શ્રી જી.એસ. મલિક દ્વારા એક અત્યંત મહત્વનો અને કડક કચેરી હુકમ જારી કરવામાં આવ્યો છે.
🕒 DGP જી.એસ. મલિક : અધિકારીઓ ક્યારે મળશે? સમય નોંધી લેજો!
નવી વ્યવસ્થા મુજબ હવે પોલીસ કમિશનરથી લઈને છેક નીચેના સ્તર સુધીના તમામ અધિકારીઓએ દરરોજ ફરજિયાત ૨ કલાક પ્રજાની રજૂઆતો સાંભળવી પડશે.
- ઉચ્ચ અધિકારીઓ (CP, Range Head, SP): દરરોજ સવારે ૧૨:૦૦ થી ૧૪:૦૦ કલાક સુધી પોતાની કચેરીમાં હાજર રહી મુલાકાતીઓને સાંભળશે.
- પોલીસ ઇન્સ્પેક્ટર (PI – થાણા અમલદાર): PI સવારના સમયે કોર્ટ કે તપાસમાં વ્યસ્ત હોવાથી, તેઓ દરરોજ સાંજે ૪:૦૦ થી ૬:૦૦ દરમિયાન પોલીસ સ્ટેશનમાં હાજર રહી નાગરિકોને મળશે.
⏳ ૧૫ દિવસમાં નિકાલ: ન્યાયની નવી સમયમર્યાદા!
આ આદેશ માત્ર મળવા પૂરતો મર્યાદિત નથી, પણ કામગીરીમાં ઝડપ લાવવા માટેનો પણ છે. DGP એ સ્પષ્ટ કર્યું છે કે:
- સામાન્ય અરજીઓ: વધુમાં વધુ ૧૫ દિવસમાં નિકાલ લાવવાનો રહેશે.
- ગંભીર વિષયો: આર્થિક ગુના, કૌટુંબિક વિવાદ, તબીબી બેદરકારી કે ભ્રષ્ટાચારના કિસ્સાઓમાં ૬ અઠવાડિયામાં કાર્યવાહી પૂર્ણ કરવાની રહેશે.
📝 પારદર્શિતા માટે રજિસ્ટર અને તાત્કાલિક FIR 🚨
DGP જી.એસ. મલિક : પોલીસ સ્ટેશન કે કચેરીએ આવતા દરેક અરજદારની વિગત એક ખાસ રજિસ્ટરમાં નોંધવાની રહેશે. જો તપાસ દરમિયાન કોઈ પણ સંજ્ઞેય (Cognizable) ગુનો માલૂમ પડશે, તો પોલીસ અધિકારીએ રાહ જોયા વગર તાત્કાલિક FIR નોંધીને કાયદેસરની કાર્યવાહી શરૂ કરવી પડશે.
સીનીયર પત્રકારનો અભિપ્રાય: આ નિર્ણયથી વહીવટમાં પારદર્શિતા આવશે અને સામાન્ય માણસનો પોલીસ પરનો વિશ્વાસ વધશે. જો કોઈ કારણસર મુખ્ય અધિકારી હાજર ન હોય, તો તેમના સિનિયર અધિકારીએ અરજદારને સાંભળવાના રહેશે જેથી કોઈને ખાલી હાથે પરત ન ફરવું પડે. પોલીસ તંત્રની આ નવી પહેલ ખરેખર આવકારદાયક છે.
