Smit Machchhar : દુબઈથી તેલ અવીવ જઈ રહેલી ફ્લાયદુબઈની ફ્લાઈટ FZ1073 માં આકાશી ઊંચાઈ પર એક સનસનાટીભરી અને ભયાનક ઘટના ઘટી હતી. વિમાનના કો-પાયલોટે જહાજ પર કૂહાડી (crash axe) વડે કેપ્ટન સ્મિત મચ્છાર પર આતંકવાદી હુમલો કરી પ્લેન પર નિયંત્રણ મેળવવાનો પ્રયાસ કર્યો હતો. જોકે, ગંભીર રીતે ઘવાયેલા ભારતીય પાયલોટ સ્મિત મચ્છારે પોતાની જિંદગીની પરવા કર્યા વગર અદમ્ય સાહસ દાખવ્યું અને સેંકડો મુસાફરોના જીવ બચાવી લીધા હતા.
આ બહાદુરી માટે સંયુક્ત અરબ અમીરાત (UAE) ના ઉપપ્રધાનમંત્રી, સંરક્ષણ મંત્રી અને દુબઈના ક્રાઉન પ્રિન્સ શેખ હમદાન બિન મોહમ્મદ બિન રશીદ અલ મક્તૂમે હોસ્પિટલ પહોંચીને પાયલોટ સ્મિત મચ્છારની મુલાકાત લીધી હતી અને તેમની હિંમતને બિરદાવી હતી.
🏥 Smit Machchhar : હોસ્પિટલ પહોંચી શેખ હમદાને શું કહ્યું? 💬
Smit Machchhar : અબુ ધાબીની હોસ્પિટલમાં સારવાર લઈ રહેલા ભારતીય પાયલોટ સ્મિત મચ્છારની શેખ હમદાને વ્યક્તિગત મુલાકાત લીધી હતી. આ મુલાકાત બાદ સોશિયલ મીડિયા પ્લેટફોર્મ ‘X’ પર શેખ હમદાને લખ્યું હતું કે, “કેપ્ટન સ્મિત મચ્છારે હિંમત, જવાબદારી અને માનવજીવન પ્રત્યેની કાળજીની સર્વોચ્ચ મિસાલ પેશ કરી છે. રાષ્ટ્રના નેતૃત્વ તરફથી અમે તેમનો આભાર માનીએ છીએ અને તેમના સાહસની સરાહના કરીએ છીએ. અમને ગર્વ છે કે તેઓ આપણી ટીમનો ભાગ છે, આપણા દેશની વાર્તાનો એક હિસ્સો છે અને UAE ના મૂલ્યો – દયા, શાંતિ અને જીવનનું પ્રતીક છે”.
🩸 કોકપિટમાં શું બની હતી એ ભયાનક ઘટના? ✈️
Smit Machchhar : ફ્લાઈટ FZ1073 માં અચાનક કો-પાયલોટ હમામ અલ-હમ્મામીએ ઈમરજન્સી માટે કોકપિટમાં રાખવામાં આવતી કૂહાડી વડે કેપ્ટન સ્મિત પર હુમલો કરી દીધો હતો. UAE ના એટોર્ની જનરલે આ ઘટનાને આતંકવાદી કૃત્ય ગણાવ્યું હતું. હુમલા બાદ લોહીલુહાણ હાલતમાં નીચે પડેલા સ્મિતે વિમાનને નીચે તરફ જતું અનુભવ્યું હતું.
વડાપ્રધાન નરેન્દ્ર મોદી સાથેની વિડીયો કોલ વાતચીતમાં સ્મિતે યાદ કર્યું હતું કે, “જ્યારે હું જમીન પર પડ્યો હતો, ત્યારે મને લાગ્યું કે વિમાન નીચે જઈ રહ્યું છે. મને થયું કે આ છેલ્લો પ્રયાસ કરવાનો છે. વારંવાર પ્રહાર થઈ રહ્યા હોવા છતાં મેં કોકપિટનો દરવાજો ખોલી નાખ્યો”. દરવાજો ખુલતા જ ફ્લાઇટ ક્રૂ અને મુસાફરો કોકપિટમાં ધસી આવ્યા હતા અને હુમલાખોર કો-પાયલોટને કાબૂમાં લીધો હતો. ત્યારબાદ રિઝર્વ પાયલોટે વિમાનનું નિયંત્રણ સંભાળ્યું અને સાઉદી અરેબિયાના તબૂકમાં સુરક્ષિત લેન્ડિંગ કરાવ્યું હતું.
ભારતથી લઈને UAE સુધી ગૂંજ્યું સ્મિત મચ્છારનું નામ 🌟
Smit Machchhar : ભારતીય પાયલોટ સ્મિત મચ્છાર મૂળ મુંબઈના રહેવાસી છે. તેમની આ અદ્ભુત હિંમતને કારણે એક મોટો અકસ્માત ટળી ગયો હતો. વડાપ્રધાન નરેન્દ્ર મોદીએ પણ વિડીયો કોલ દ્વારા સ્મિત સાથે વાત કરીને તેમને અભિનંદન પાઠવ્યા હતા અને કહ્યું હતું કે “તમે દરેકનો જીવ બચાવીને ખૂબ મોટું કામ કર્યું છે”. UAE ના રાષ્ટ્રપતિના સલાહકાર અનવર ગરગાશે પણ સ્મિત મચ્છારની વ્યાવસાયિકતા અને નૈતિકતાની પ્રશંસા કરતા તેમને સાચા હીરો ગણાવ્યા હતા. હાલમાં સમગ્ર વિશ્વમાં આ ભારતીય પાયલોટની જાંબાઝીની ચર્ચા થઈ રહી છે.
- Houthi Saudi conflict : એક નાનકડો દરિયાઈ માર્ગ અને આખી દુનિયા પર ખતરો! હુતી-સાઉદી સંઘર્ષનું ભારત કનેક્શન
- Plague : સાઇબિરીયાની સીક્રેટ લૅબમાં કાચની ટ્યુબ તૂટી અને… પ્લેગનો ખૌફ! 200 લોકો આઇસોલેટ
- Gujarat : ગુજરાતની સરકારી ઇમારતો હવે બનાવશે વીજળી! 6,014 બિલ્ડિંગ પર સોલાર, 65 MWનો નવો પ્લાન
- Sabarmati : સાબરમતી કોચિંગ ડેપોમાં મોટો ટેકનોલોજી અપગ્રેડ! હવે વંદે ભારત ‘પોતે’ જશે મેન્ટેનન્સ લાઇન પર
- Nadiad Gold Robbery : ચાલુ ટ્રેને ₹3.76 કરોડનું સોનું લૂંટાયું! પકડવા માટે PI ચાલુ કારમાં કૂદી પડ્યા, પોલીસે લગાવી જાનની બાજી
