👊 બાવળા સાણંદ ચોકડી પાસે ફિલ્મી ઢબે ઓપરેશન: લાખોની કિંમતના દારૂના જથ્થા સાથે એકની ધરપકડ 🚔
🛡️ ખાનગી બાતમી અને સચોટ ઓપરેશન: LCBની ટીમે દારૂના સ્મગલરને દબોચ્યો! 🍾
અમદાવાદ ગ્રામ્ય વિસ્તારમાં દારૂ અને જુગાર જેવી અસામાજિક પ્રવૃત્તિઓ ડામવા માટે પોલીસ એક્શન મોડમાં આવી છે. પોલીસ મહાનિરીક્ષક રાઘવેન્દ્ર વત્સ અને પોલીસ અધિક્ષક ઓમ પ્રકાશ જાટના માર્ગદર્શન હેઠળ અમદાવાદ ગ્રામ્ય LCBની ટીમે બાવળા વિસ્તારમાં એક મોટી સફળતા મેળવી છે.
બાવળા : ગુપ્ત બાતમીના આધારે ફિલ્મી ઢબે ઓપરેશન 🕵️♂️
બાવળા : LCB પી.આઈ. આર.એન. કરમટીયાના માર્ગદર્શન હેઠળ પી.એસ.આઈ. જી.જે. મોરી અને તેમની ટીમ જ્યારે પેટ્રોલીંગમાં હતી, ત્યારે હેડ કોન્સ્ટેબલ અજયભાઈ સાજણભાઈ બોળીયાને એક સચોટ અને આધારભૂત બાતમી મળી હતી. આ બાતમીના આધારે પોલીસે બાવળા-સાણંદ ચોકડી પાસે વોચ ગોઠવી હતી.
સફેદ ક્રેટા કાર અને લાખોનો દારૂ 🚗🍾
પોલીસે શંકાસ્પદ જણાતી એક સફેદ કલરની ક્રેટા કારને રોકીને તલાશી લેતા પોલીસ પણ ચોંકી ઉઠી હતી. આ લક્ઝરી કારમાંથી ભારતીય બનાવટના વિદેશી દારૂની નાની-મોટી બોટલો અને બિયરના ટીન મળીને કુલ ૩૮૨૮ નંગ જથ્થો મળી આવ્યો હતો. આ જથ્થાની કુલ કિંમત આશરે ₹૪,૧૨,૨૦૦/- જેટલી થાય છે. પોલીસે દારૂના જથ્થા સાથે કાર અને અન્ય મુદ્દામાલ પણ જપ્ત કર્યો છે.
રાજસ્થાનના શખ્સની ધરપકડ 👮♂️⛓️
આ કેસમાં પોલીસે પ્રકાશ ગોપારામ ભાદુ (બિશ્નોઈ) નામના શખ્સની ધરપકડ કરી છે, જે રાજસ્થાનના ઝાલોર જિલ્લાના ચિતલવાના તાલુકાના વીરાવા ગામનો રહેવાસી છે. પોલીસ હવે એ તપાસ કરી રહી છે કે આ દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો.
ઓપરેશન કરનાર ટીમ 🛡️
આ સફળ કામગીરીમાં LCB પી.આઈ. આર.એન. કરમટીયા, પી.એસ.આઈ. જી.જે. મોરી, એ.એસ.આઈ. દિલીપસિંહ, હેડ કોન્સ્ટેબલ પૃથ્વીરાજસિંહ, પુષ્પરાજસિંહ, અજયભાઈ, કિરીટભાઈ, ભગીરથસિંહ તેમજ પોલીસ કોન્સ્ટેબલ વિપુલભાઈ, ઘનશ્યામસિંહ અને વિશાલકુમાર જોડાયા હતા.
અમદાવાદમાં આધુનિક યુગની આધુનિક લૂંટ: AI Deepfake અને આધાર ફ્રોડનો પર્દાફાશ
