Ahmedabad : રિલીફ રોડ પર ધોળા દિવસે લોહિયાળ ખેલ: પૈસાની માથાકૂટમાં યુવકની કરપીણ હત્યા 🔪
અમદાવાદ: શહેરના સૌથી ધમધમતા અને વ્યસ્ત ગણાતા રિલીફ રોડ પર રવિવારે સાંજે ધોળા દિવસે એક યુવકની કરપીણ હત્યા થતા સમગ્ર વિસ્તારમાં ચકચાર મચી ગઈ છે. કાલુપુર અને લાલદરવાજાને જોડતા આ મુખ્ય માર્ગ પર ભીડભાડ વચ્ચે જ એક શખ્સે તીક્ષ્ણ હથિયારના ઘા ઝીંકીને યુવકને મોતને ઘાટ ઉતારી દીધો હતો. આ ઘટનાને પગલે રાહદારીઓ અને વેપારીઓમાં ભારે ફફડાટ વ્યાપી ગયો છે અને શહેરની કાયદો-વ્યવસ્થા પર સવાલો ઉભા થયા છે.
Ahmedabad : પૈસાની લેતી-દેતીમાં ખેલાયો ખૂની ખેલ 💰🩸
Ahmedabad : પોલીસની પ્રાથમિક તપાસમાં બહાર આવ્યું છે કે, મૃતક યુવક 25 વર્ષીય જયશંકર મદ્રાસી છે, જે હાટકેશ્વરના પોખરા વિસ્તારનો રહેવાસી હતો. જયશંકરને વટવાના રહેવાસી શાકિબ સલીમ શેખ સાથે લાંબા સમયથી પૈસાની લેતી-દેતી બાબતે માથાકૂટ ચાલતી હતી. આ વિવાદનો અંત લાવવા માટે આરોપી શાકિબે જયશંકરને ફોન કરીને રિલીફ રોડ પર પથ્થરકુવા પાસે બોલાવ્યો હતો.
જાહેર રોડ પર છરીના આડેધડ ઘા ઝીંક્યા 😱
Ahmedabad : જયશંકર પથ્થરકુવા પાસે પહોંચતા જ બંને વચ્ચે ઉગ્ર બોલાચાલી શરૂ થઈ હતી. જોતજોતામાં મામલો એટલો બિચક્યો કે ઉશ્કેરાયેલા શાકિબે પોતાની પાસે રાખેલી તીક્ષ્ણ છરી કાઢી જયશંકર પર તૂટી પડ્યો હતો. જાહેર રોડ પર જ છરીના આડેધડ ઘા ઝીંકાતા જયશંકર લોહીલુહાણ હાલતમાં ત્યાં જ ઢળી પડ્યો હતો અને તેનું ઘટનાસ્થળે જ કમકમાટીભર્યું મોત નીપજ્યું હતું.
કારંજ પોલીસે ગણતરીના કલાકોમાં આરોપીને દબોચ્યો 🚔🎯
Ahmedabad : હત્યાને અંજામ આપી આરોપી શાકિબ ત્યાંથી નાસી છૂટ્યો હતો. ઘટનાની જાણ થતા જ કારંજ પોલીસ સ્ટેશનના PI સહિતનો ઉચ્ચ અધિકારીઓનો કાફલો ઘટનાસ્થળે દોડી આવ્યો હતો. પોલીસે તાત્કાલિક અલગ-અલગ ટીમો બનાવી અને સીસીટીવી ફૂટેજ તેમજ બાતમીદારોની મદદથી તપાસ તેજ કરી હતી. ગણતરીના કલાકોમાં જ વટવાના રહેવાસી 26 વર્ષીય આરોપી શાકિબ સલીમ શેખને પોલીસે હસ્તગત કરી લીધો છે.
હાલમાં પોલીસે મૃતદેહને પોસ્ટમોર્ટમ માટે સિવિલ હોસ્પિટલ ખસેડ્યો છે અને આરોપી સામે વિધિવત ફરિયાદ દાખલ કરી આગળની કડક કાનૂની કાર્યવાહી હાથ ધરી છે.
Vautha Murder : નજીવી બાબતે ભાણેજે લીધો ફુવાનો જીવ, બુલેટની ચાવી પડી મોંઘી!
