બગોદરા ટોલ નાકા પાસે LCBની સર્જિકલ સ્ટ્રાઈક: ₹12 લાખનો મુદ્દામાલ ઝડપી બુટલેગરના મનસૂબા પર પાણી ફેરવ્યું
બગોદરા: ગુજરાતમાં દારૂબંધીના કડક અમલ માટે પોલીસ સતત કાર્યરત છે, ત્યારે અમદાવાદ ગ્રામ્ય એલ.સી.બી. (LCB) પોલીસને એક મોટી સફળતા મળી છે. પોલીસ મહાનિરીક્ષક રાઘવેન્દ્ર વત્સ અને પોલીસ અધિક્ષક ઓમ પ્રકાશ જાટના માર્ગદર્શન હેઠળ જીલ્લામાં દારૂ-જુગારની પ્રવૃત્તિ ડામી દેવા મળેલી સૂચના બાદ પોલીસ એક્શન મોડમાં આવી હતી.
📍 Bagodara : ટોલ પ્લાઝા પાસે ગોઠવાયેલી જાળ
Bagodara : એલ.સી.બી. પી.આઈ. આર.એન. કરમટીયાના માર્ગદર્શન હેઠળ પી.એસ.આઈ. જી.જે. મોરી અને તેમની ટીમ પેટ્રોલિંગમાં હતી. આ દરમિયાન હેડ કોન્સ્ટેબલ અજયભાઇ સાજણભાઇ બોળીયાને એક પાકી બાતમી મળી હતી કે એક ટાટા 407 ગાડીમાં દારૂનો જથ્થો લઈ જવામાં આવી રહ્યો છે. આ બાતમીના આધારે પોલીસે બગોદરા-રાજકોટ હાઇવે પર આવેલા બગોદરા ટોલ નાકા પાસે વોચ ગોઠવી હતી.
📦 મુદ્દામાલની વિગત: શું શું ઝડપાયું?
Bagodara : પોલીસે શંકાસ્પદ ટાટા 407 ગાડીને અટકાવી તેની તલાશી લેતા પોલીસ પણ ચોંકી ઉઠી હતી. ગાડીમાંથી ભારતીય બનાવટની વિદેશી દારૂની નાની મોટી બોટલો અને બીયર ટીન મળી કુલ 2388 નંગ મળી આવ્યા હતા.
- દારૂ/બીયરની કિંમત: ₹7,07,160/-
- ટાટા 407 ગાડી: ₹5,00,000/-
- મોબાઈલ અને પ્લાસ્ટિક ક્રેટ: ₹7,000/-
- કુલ મુદ્દામાલ: ₹12,14,160/-
👤 મહારાષ્ટ્રનો શખ્સ ઝડપાયો
Bagodara : આ મામલે પોલીસે સુનિલ મુરલીધર વિરે (રહે. જીરેગલી, ધુલે, મહારાષ્ટ્ર) નામના આરોપીની ધરપકડ કરી છે. આરોપી દારૂનો આટલો મોટો જથ્થો ક્યાંથી લાવ્યો હતો અને કોને પહોંચાડવાનો હતો તે દિશામાં પોલીસે તપાસ તેજ કરી છે.
👮 કામગીરી કરનાર ટીમ
Bagodara : આ સફળ ઓપરેશનમાં પી.આઈ. આર.એન. કરમટીયા, પી.એસ.આઈ. જી.જે. મોરી સહિત એ.એસ.આઈ. દિલીપસિંહ, પૃથ્વીરાજસિંહ, હેડ કોન્સ્ટેબલ પુષ્પરાજસિંહ, અજયભાઈ, કિરીટભાઈ, ભગીરથસિંહ, કુલદીપસિંહ અને કોન્સ્ટેબલ વિપુલભાઈ, ઘનશ્યામસિંહ અને વિશાલકુમાર જેવા બાહોશ અધિકારીઓ અને કર્મચારીઓ સામેલ હતા.
Social Media : શું સોશિયલ મીડિયા ભારતને તોડવાનું હથિયાર છે? ષડયંત્રનો પર્દાફાશ
