🛡️ હેલ્મેટ ડ્રાઈવ : ‘દંડ નહીં, તમારી જિંદગી કિંમતી છે’: DGP જી.એસ. મલિકની ભાવુક અપીલ સાથે હેલ્મેટ ડ્રાઈવના આંકડા જાહેર
ગાંધીનગર: રાજ્યમાં માર્ગ અકસ્માતો ઘટાડવા અને લોકોમાં ટ્રાફિક પ્રત્યે જાગૃતિ લાવવા માટે સરકાર હવે એક્શન મોડમાં આવી છે. નાયબ મુખ્યમંત્રી શ્રી હર્ષ સંઘવીના માર્ગદર્શન હેઠળ સમગ્ર ગુજરાતમાં ૧ થી ૩૧ મે દરમિયાન ચાલેલી એક મહિનાની વિશેષ “હેલ્મેટ ડ્રાઇવ” ના ચોંકાવનારા આંકડા સામે આવ્યા છે.
👮♂️ હેલ્મેટ ડ્રાઈવ : નિયમ બધા માટે સરખો: સરકારી કચેરીઓ પર જ તવાઈ!
હેલ્મેટ ડ્રાઈવ : આ વખતની ડ્રાઈવની સૌથી મોટી વિશેષતા એ રહી કે પોલીસ માત્ર સામાન્ય જનતા પાછળ જ નહોતી પડી, પરંતુ નિયમ તોડનારા સરકારી અધિકારીઓને પણ છોડવામાં આવ્યા નથી. સરકારી કચેરીઓના પ્રવેશદ્વારે જ ટ્રાફિક પોલીસ તૈનાત કરી દેવામાં આવી હતી. જેમાં નિયમ ભંગ કરનાર ૫,૧૨૩ સરકારી અધિકારીઓ અને કર્મચારીઓ પાસેથી કુલ રૂ. ૧૬.૫૮ લાખનો દંડ વસૂલવામાં આવ્યો છે. આ પગલાથી સંદેશ સ્પષ્ટ છે કે કાયદો દરેક માટે સમાન છે.
💸 એક મહિનામાં ₹5.21 કરોડનો દંડ વસૂલાયો
સ્ટેટ ટ્રાફિક બ્રાન્ચના રિપોર્ટ અનુસાર, આ ઝુંબેશ દરમિયાન રાજ્યભરમાં કુલ ૧.૮૮ લાખથી વધુ વાહનચાલકો સામે દંડનીય કાર્યવાહી કરવામાં આવી છે. આ કાર્યવાહી દ્વારા સરકારી તિજોરીમાં કુલ રૂ. ૫.૨૧ કરોડની માતબર રકમ દંડ પેટે જમા થઈ છે.
🛡️ “દંડ અમારું લક્ષ્ય નથી, તમારી સુરક્ષા છે”
હેલ્મેટ ડ્રાઈવ : રાજ્યના પોલીસ વડા (DGP) શ્રી જી.એસ. મલિકે આ ડ્રાઈવ અંગે ખૂબ જ મહત્વની વાત કરી છે. તેમણે જણાવ્યું કે, “દંડ વસૂલવો એ ગુજરાત પોલીસનું લક્ષ્ય નથી, પરંતુ નાગરિકોની જિંદગી બચાવવી એ અમારો સંકલ્પ છે.” તેમણે વાહનચાલકોને અપીલ કરી છે કે તેઓ પોલીસના ડરથી નહીં, પણ પોતાના પરિવારની ખુશીઓ માટે હેલ્મેટ અને સીટ બેલ્ટ અચૂક પહેરે.
🌹 ગાજર અને લાકડી બંને ની નીતિ
પોલીસે માત્ર કડકાઈ જ નથી દાખવી, પણ માનવતા પણ બતાવી છે. અનેક જગ્યાએ નિયમ ભંગ કરનારને દંડ કરવાને બદલે ગુલાબનું ફૂલ કે હેલ્મેટ આપીને તેનું મહત્વ સમજાવવામાં આવ્યું હતું. અકસ્માતના કિસ્સાઓમાં ઘણીવાર એક હેલ્મેટ જ જીવ બચાવી લેતું હોય છે, જ્યારે તેની ગેરહાજરીમાં પરિવારે આજીવન વસવસો ભોગવવો પડે છે.
DGP જી.એસ. મલિકનો ઐતિહાસિક નિર્ણય : અધિકારીઓએ દરરોજ જનતાને સાંભળશે
