અમદાવાદ ક્રાઈમ બ્રાન્ચ નો ગોમતીપુર જુગાર ધામ પર દરોડો : વરલી મટકાનો જુગાર રમતા 7 શખ્સો ઝડપાયા, કુલ રુ. 80,000 નો મુદ્દામાલ કબજે
અમદાવાદ ક્રાઈમ બ્રાન્ચ : ક્રાઈમ બ્રાન્ચે ગોમતીપુર વિસ્તારમાં ચાલી રહેલા એક મોટા જુગારધામનો પર્દાફાશ કર્યો છે. પોલીસને મળેલી બાતમીના આધારે ગોમતીપુરના શકરા ઘાંચીની કાલી વિસ્તારમાં આવેલા અમન ચાંદમિયા શેખના રહેણાંક મકાનમાં દરોડો પાડવામાં આવ્યો હતો. આ મકાનમાં બહારથી માણસો બોલાવીને હાર-જીતનો વરલી મટકાનો જુગાર રમાડવામાં આવતો હતો.
આ સફળ રેઈડ દરમિયાન પોલીસે મુખ્ય આરોપી અમન શેખ સહિત કુલ સાત આરોપીઓની ધરપકડ કરી છે. પોલીસ તપાસમાં સ્થળ પરથી ₹64,500 રોકડ, ₹15,500ની કિંમતના 3 મોબાઈલ ફોન અને જુગારના આંકડા લખેલા ચોપડા તથા સ્લીપ બુક મળી કુલ ₹80,000નો મુદ્દામાલ જપ્ત કરવામાં આવ્યો છે.
ઝડપાયેલા આરોપીઓમાં અમન શેખ (21), મોહંમદ ઈકબાલ શેખ (55), મોહંમદ સાદીક શેખ (40) અને અહમદહુસેન ઘાંચી (57) જેવા શખ્સોનો સમાવેશ થાય છે. પોલીસે જુગાર ધારાની કલમ 4 અને 5 મુજબ ગુનો નોંધી કાયદેસરની કાર્યવાહી હાથ ધરી છે.
