💰 Ahmedabad : ‘EDમાં મોટી ઓળખાણ છે’ કહી કરોડો ઉઘરાવનાર શખ્સ આખરે ઝડપાયો!
અમદાવાદ શહેર ક્રાઇમ બ્રાન્ચે એક એવા શખ્સની ધરપકડ કરી છે, જેના પર આરોપ છે કે તેણે પોતાની ED અને CBIમાં મોટી ઓળખાણ હોવાનું કહી એક વેપારી પાસેથી ₹3.18 કરોડથી વધુની રકમ મેળવી લીધી, પરંતુ કામ પણ ન કરાવ્યું અને રૂપિયા પણ પરત આપ્યા નહીં. સમગ્ર મામલે શહેરમાં ભારે ચર્ચા જાગી છે.
💸 શું છે સમગ્ર મામલો?
પોલીસના જણાવ્યા અનુસાર, ડિસેમ્બર 2024 દરમિયાન એક આંગડિયા પેઢી પર ED દ્વારા દરોડો પાડવામાં આવ્યો હતો, જેમાં અંદાજે ₹11.10 કરોડ રોકડ, મોબાઇલ ફોન અને DVR જપ્ત કરવામાં આવ્યા હતા.
આ પછી આરોપી વિજયકુમાર ઉર્ફે મુખી અને તેના સાગરિતોએ ફરિયાદીને વિશ્વાસ અપાવ્યો કે તેઓ પોતાની ઓળખાણના આધારે ED દ્વારા જપ્ત કરાયેલી રકમ છોડાવી આપી શકે છે. આ બહાને ફરિયાદી પાસેથી અલગ-અલગ હપ્તામાં કુલ ₹3,18,65,900 વસૂલવામાં આવ્યા હતા. જોકે બાદમાં ન તો જપ્ત રકમ છોડાવવામાં આવી અને ન તો વસૂલેલી રકમ પરત કરવામાં આવી.
⚖️ Ahmedabad : પોલીસ ફરિયાદ બાદ કાર્યવાહી
Ahmedabad : આ મામલે અમદાવાદ DCB પોલીસ સ્ટેશનમાં ભારતીય ન્યાય સંહિતા-2023ની વિવિધ કલમો હેઠળ ગુનો નોંધવામાં આવ્યો છે. તપાસ દરમિયાન ક્રાઇમ બ્રાન્ચે મુખ્ય આરોપી વિજયકુમાર ઉર્ફે મુખીની ધરપકડ કરી છે અને સમગ્ર કાવતરાની વધુ તપાસ શરૂ કરી છે.
📑 ₹13.20 કરોડનો નોટરી કરાર પણ સામે આવ્યો
તપાસ દરમિયાન પોલીસને જાણવા મળ્યું કે ED દ્વારા જપ્ત કરાયેલી રકમ છોડાવવાની વાતને વિશ્વસનીય બનાવવા માટે આરોપીએ પોતાના ઓળખીતાના નામે ₹13.20 કરોડનો નોટરી કરાર પણ તૈયાર કરાવ્યો હતો. પોલીસ હવે આ દસ્તાવેજોની પણ તપાસ કરી રહી છે.
🌍 વિદેશમાં રહેતો હતો આરોપી
Ahmedabad : પોલીસના જણાવ્યા મુજબ આરોપી વર્ષ 2010થી 2018 દરમિયાન લંડનમાં રહ્યો હતો. ત્યારબાદ 2021માં વિદેશ વનાતુ જઈ ત્યાંની રાજધાની પોર્ટવીલામાં જઈ ત્યાંની નાગરિકતા મેળવી હતી અને વર્ષ 2022થી OCI (Overseas Citizen of India) તરીકે ભારતમાં રહેતો હતો. આ વિગતોને ધ્યાનમાં રાખીને તેની નાણાકીય લેવડદેવડ અને અન્ય કડીઓની પણ તપાસ ચાલી રહી છે.
🔎 આ રીતે લોકોને બનાવતો હતો શિકાર
Ahmedabad : ક્રાઇમ બ્રાન્ચના જણાવ્યા મુજબ આરોપી પોતાની મોટી સરકારી એજન્સીઓમાં ઓળખાણ હોવાનું કહી લોકોને વિશ્વાસમાં લેતો અને વિવિધ કામ કરાવી આપવાના બહાને મોટી રકમ પડાવતો હતો. પોલીસે એ પણ જણાવ્યું છે કે આરોપી સામે અગાઉ પણ છેતરપિંડી અને અન્ય ગુનાઓના કેસ નોંધાયેલા છે.
📢 પોલીસની અપીલ
ક્રાઇમ બ્રાન્ચે જાહેર અપીલ કરી છે કે જો કોઈ વ્યક્તિ પણ આ પ્રકારની છેતરપિંડીનો ભોગ બન્યો હોય તો તે તાત્કાલિક અમદાવાદ શહેર ક્રાઇમ બ્રાન્ચનો સંપર્ક કરે, જેથી વધુ પીડિતોને ન્યાય મળી શકે.
