Iran Hit List : ઈરાનનો ભયાનક રિવન્જ પ્લાન: ખામેનેઈના મોત બાદ 11 દેશોના વડાઓ પર તોળાતું જોખમ! 🌍🔥ઈરાનની ગ્લોબલ ‘હિટ લિસ્ટ’: નેતન્યાહુ નંબર-1 ટાર્ગેટ, ટ્રમ્પ અને મેલોની પણ નિશાના પર! 🎯
Iran Hit List : ઈરાનના સુપ્રીમ લીડર આયાતુલ્લા અલી ખામેનેઈના મૃત્યુ બાદ પશ્ચિમ એશિયામાં યુદ્ધની જ્વાળાઓ વધુ તેજ બની છે. ઈરાને હવે ખુલ્લેઆમ દુનિયાના સૌથી શક્તિશાળી નેતાઓ વિરુદ્ધ જંગનું એલાન કરી દીધું છે. ઈરાનના સરકારી અખબાર ‘હમશહરી’એ એક ચોંકાવનારી ‘ગ્લોબલ હિટ લિસ્ટ’ જાહેર કરી છે, જેમાં ઈઝરાયેલના વડાપ્રધાન બેન્જામિન નેતન્યાહુને તેમનો ‘નંબર વન’ ટાર્ગેટ ગણાવવામાં આવ્યા છે.
Iran Hit List : કોણ કોણ છે ઈરાનના નિશાના પર? 🎯
ઈરાનના આ હિટ લિસ્ટમાં માત્ર અમેરિકા કે ઈઝરાયેલ જ નહીં, પણ યુરોપના અનેક દેશોના નેતાઓનો સમાવેશ થાય છે. આ લિસ્ટમાં કુલ 11 નેતાઓના નામ છે, જેમાં મુખ્યત્વે:
- બેન્જામિન નેતન્યાહુ (વડાપ્રધાન, ઈઝરાયેલ)
- ડોનાલ્ડ ટ્રમ્પ (પ્રમુખ, અમેરિકા)
- જ્યોર્જિયા મેલોની (વડાપ્રધાન, ઈટાલી)
- એમેન્યુઅલ મેક્રોન (પ્રમુખ, ફ્રાન્સ)
- કીર સ્ટાર્મર (વડાપ્રધાન, બ્રિટન)
- માર્કો રુબિયો અને પીટ હેગસેથ જેવા અમેરિકી ઉચ્ચ અધિકારીઓ
Iran Hit List : ચોંકાવનારી વાત એ છે કે, ઈરાની અખબારે આ તમામ નેતાઓને જેલના કેદીના કપડામાં ચીતર્યા છે અને તેમની પર ‘ક્રોસહેર’ (નિશાન) રાખ્યું છે, જેનો સ્પષ્ટ સંકેત હત્યાની ધમકી છે.
નવા સુપ્રીમ લીડરનો સીધો પડકાર 🗣️
Iran Hit List : અલી ખામેનેઈના પુત્ર અને નવા સંભવિત લીડર મોજતબા ખામેનેઈએ પિતાના મોતનો બદલો લેવા માટે કસમ ખાધી છે. તેમણે સ્પષ્ટ શબ્દોમાં કહ્યું છે કે, “આ બદલો ચોક્કસ લેવામાં આવશે. જવાબદાર લોકો પોતાની પથારીમાં શાંતિથી મરવાની આશા લઈને કબરમાં જશે”. ઈરાનનો આરોપ છે કે ખામેનેઈના મોત માટે આ દેશો જવાબદાર છે અને તેમણે ઈરાન પરના હુમલાઓમાં મદદ કરી છે.
અંદરખાને ઈરાનની હાલત કફોડી 📉
Iran Hit List : એક તરફ ઈરાન વિશ્વને ધમકી આપી રહ્યું છે, તો બીજી તરફ તે પોતે આર્થિક રીતે પાયમાલ થઈ રહ્યું છે. સોર્સ મુજબ, ઈરાનનો આર્થિક વિકાસ દર -6.1% સુધી ગગડી શકે છે અને મોંઘવારીનો દર 70% સુધી પહોંચવાની ભીતિ છે. યુદ્ધના કારણે ઈરાનના લોકો માટે જીવનનિર્વાહ મુશ્કેલ બની ગયો છે, છતાં સત્તાધીશો ‘બદલા’ની રાજનીતિમાં વ્યસ્ત છે.
હાલમાં અમેરિકા અને ઈઝરાયેલની સુરક્ષા એજન્સીઓ હાઈ એલર્ટ પર છે. શું ઈરાન ખરેખર આટલા મોટા નેતાઓ પર હુમલો કરવાની હિંમત કરશે? કે પછી આ માત્ર એક પ્રોપેગેન્ડા છે? તે તો આવનારો સમય જ કહેશે.
જેલની હવા ખાધી તો ખુરશી જોખમમાં, મંત્રીઓ સાવધાન
