Anandnagar Police : મેગાસિટી અમદાવાદમાં ગુનાખોરી આચરતા તત્વો સામે પોલીસે લાલ આંખ કરી છે. આનંદનગર પોલીસ સ્ટેશનની સરવેલન્સ સ્કોડે એક મોટી સફળતા મેળવીને શહેરના અલગ-અલગ વિસ્તારોમાંથી ચોરી થયેલા ૯ મોબાઈલ ફોન સાથે એક શાતિર ચોરને ઝડપી પાડ્યો છે.
📱 Anandnagar Police : વહેલી સવારે બનેલી ઘટના અને પોલીસની ત્વરિત કાર્યવાહી
Anandnagar Police : આનંદનગર વિસ્તારમાં આવેલા ટાઈટેનિયમ સિટી સેન્ટર સામે નીલમ પાકા બંગલાની આગળ ખુલ્લી જગ્યામાં તા.૧૮/૦૮/૨૦૨૬ના રોજ સવારે ૦૪:૩૦ થી ૦૫:૪૫ વાગ્યાના સમયગાળા દરમિયાન ચોરીની ઘટના બની હતી. નયનભાઈ હર્ષદભાઈ ઠક્કર (ઉં.વ.૨૯, ધંધો ગરેજકામ, રહે. વ્રજનગરી આવાસ ઔડા) પોતાના બે મોબાઈલ ફોન સાથે ત્યાં હાજર હતા, જે કોઈ અજાણ્યો ઈસમ ચોરી કરીને ફરાર થઈ ગયો હતો. આ મામલે આનંદનગર પોલીસ સ્ટેશનમાં ભારતીય ન્યાય સંહિતા (BNS)-૨૦૨૩ની કલમ ૩૦૫(એ) મુજબ ગુનો નોંધવામાં આવ્યો હતો.
🕵️♂️ બાતમી મળી અને રેડિયો મિર્ચ રોડ પર ગોઠવાઈ ઝાળ
Anandnagar Police : અમદાવાદ શહેર પોલીસ કમિશનર અનુપમસિંહ ગેહલોત, સંયુક્ત પોલીસ કમિશનર નીરજ બડગુજર, નાયબ પોલીસ કમિશનર શિવમ વર્મા તથા મદદનીશ પોલીસ કમિશનર એસ.એમ. પટેલની સૂચનાથી મિલ્કત સંબંધી ગુના શોધવા ઝુંબેશ હાથ ધરાઈ હતી. आनंदનગર પી.આઈ. આર.એસ. પરમારના માર્ગદર્શન હેઠળ એ.એસ.આઈ. નરેશકુમાર અને તેમની ટીમ તપાસમાં હતી.
દરમિયાન અનામત પોલીસ કોન્સ્ટેબલ મહાવીરસિંહ લક્ષ્મણસિંહ અને લોકરક્ષક પ્રકાશકુમાર જયંતીભાઈને સંયુક્ત બાતમી મળી હતી કે ચોરી આચરનાર આરોપી રેડિયો મિર્ચ રોડ પરથી પસાર થવાનો છે. આ બાતમીના આધારે પોલીસે તાત્કાલિક દરોડો પાડીને પ્રકાશ ઉર્ફે બોબડો નભાભાઈ સોલંકી (ઉં.વ.૧૯, રહે. અંધજન મંડળ ઓવરબ્રિજ નીચે, મૂળ વતન: ગામ વડા, તા. કાંકરેજ, જી. બનાસકાંઠા)ને પકડી પાડ્યો હતો.
💰 રૂ. ૪૯,૫૦૦નો મુદ્દામાલ રિકવર: ૯ ચોરીના ગુના ઉકેલાયા
Anandnagar Police : પોલીસે આરોપી બોબડાની તલાશી લેતા તેની પાસેથી ફરિયાદીના ચોરી થયેલા ૨ મોબાઈલ ફોન ઉપરાંત બીજા અલગ-અલગ ૭ મોબાઈલ ફોન મળી આવ્યા હતા. પોલીસે કુલ રૂ. ૪૯,૫૦૦ની કિંમતનો મુદ્દામાલ જપ્ત કરીને ગુનાનો ઉકેલ લાવ્યો છે.
⛓️ આરોપીનો ચોંકાવનારો ગુનાહિત ઇતિહાસ
Anandnagar Police : ઝડપાયેલો ૧૯ વર્ષનો આરોપી પ્રકાશ ઉર્ફે બોબડો અગાઉ પણ અનેક ચોરીના ગુના આચરી ચૂક્યો છે. તેનો ભૂતકાળનો ગુનાહિત ઇતિહાસ તપાસતા સામે આવ્યું છે કે:
- ગુજરાત યુનિવર્સિટી પોલીસ સ્ટેશન (૨૦૧૭, ૨૦૨૦)
- નિકોલ પોલીસ સ્ટેશન (૨૦૨૦)
- એલિસબ્રીજ પોલીસ સ્ટેશન (૨૦૨૧)
- વસ્ત્રાપુર પોલીસ સ્ટેશન (૨૦૨૨)
- નવરંગપુરા પોલીસ સ્ટેશન (૨૦૨૨)
- આનંદનગર પોલીસ સ્ટેશન (૨૦૨૨ – ૨ ગુના)
- ઘાટલોડિયા પોલીસ સ્ટેશન (૨૦૨૫)
આમ, ગુજરાતના વિવિધ પોલીસ સ્ટેશનોમાં તેની સામે ચોરીના ગુનાઓ અગાઉ નોંધાયેલા છે.
👮♂️ સફળ કામગીરી કરનાર પોલીસ ટીમ
Anandnagar Police : આ સફળ કામગીરી પી.આઈ. આર.એસ. પરમારના માર્ગદર્શનમાં એ.એસ.આઈ. નરેશકુમાર, હેડ કોન્સ્ટેબલ સુનીલભાઈ, કોન્સ્ટેબલ મહાવીરસિંહ, વીરેન્દ્રસિંહ, સંજયસિંહ, અવિનભાઈ, લોકરક્ષક પ્રકાશકુમાર અને રામાભાઈની ટીમે પાર પાડી હતી.
- Ahmedabad : 3 વર્ષની બાળકીની શ્વાસનળીમાં ફસાયું સીતાફળનું બીજ! સિવિલના ડોક્ટરોએ બચાવ્યો જીવ
- Ahmedabad Cyber Crime : શેરબજારમાં 20% નફાની લાલચ આપી ₹67.92 લાખની ઠગાઈ! દુબઈ સુધી પહોંચ્યા તાર
- Ahmedabad : અમદાવાદમાં મેગા જોબ ફેર: 1,257 ઉમેદવારોની પ્રાથમિક પસંદગી, 19 કંપનીઓએ આપી તક!
- Gujarat : મોબાઈલ રિકવરીમાં ગુજરાત દેશનાં મોટાં રાજ્યોમાં બીજા ક્રમે, તમારો મોબાઈલ પણ પાછો મળી શકે?
- Delhi : દિલ્હીમાં 72 વર્ષની મહિલા ચોરીના આરોપમાં ઝડપાઈ, 14 કેસનો રેકોર્ડ
UPI Charges પર મોટો ખુલાસો: Finance Ministryએ ગેરસમજ કરી દૂર
