Ahmedabad Police : હથિયારથી નાકોટિક્સ સુધી… ‘બાબુ કાલીયા ગેંગ’ના 3 સાગરીતો સામે GUJCTOC એક્શન

🔥 Ahmedabad Police : અમદાવાદમાં ‘બાબુ કાલીયા ગેંગ’ પર ‘GUJCTOC’નો સિકંજો: ૧૭ ગંભીર ગુના આચરનાર સંગઠિત ટોળકીનો ખાતમો!

Ahmedabad Police : અમદાવાદ શહેરમાં કાયદો અને વ્યવસ્થાની પરિસ્થિતિ વધુ સુદ્રઢ બનાવવા અને સામાન્ય નાગરિકો નિર્ભયપણે જીવન જીવી શકે તે માટે અમદાવાદ શહેર પોલીસ સતત કટિબદ્ધ છે. શહેરના વિવિધ વિસ્તારોમાં સંગઠિત ટોળકી બનાવી ભયનો માહોલ ઊભો કરનારા અસામાજિક તત્વો સામે કડક હાથે કામ લેવા પોલીસ કમિશનરશ્રી અને સંયુક્ત પોલીસ કમિશનરશ્રી (સેક્ટર-૧)ના માર્ગદર્શન હેઠળ એક વિશેષ અભિયાન શરૂ કરવામાં આવ્યું છે. આ અભિયાન અંતર્ગત અમદાવાદ શહેર ઝોન-૭ પોલીસે અસામાજિક તત્વોમાં ફફડાટ વ્યાપી જાય તેવી દાખલારૂપ કડક કાર્યવાહી હાથ ધરી છે.

🚔 ઝોન-૭ પોલીસનો સંગઠિત ગુનાખોરી પર માસ્ટરસ્ટ્રોક

Ahmedabad Police : નાયબ પોલીસ કમિશનર (ઝોન-૭) શ્રી શિવમ વર્મા (IPS)ની રાહબરી હેઠળ હથિયારોની હેરાફેરી, ખૂનની કોશિશ અને નાર્કોટિક્સ જેવા ૧૭થી વધુ ગંભીર ગુનાઓમાં સંડોવાયેલી કુખ્યાત ‘‘બાબુ કાલીયા ગેંગ’’ ના નેટવર્કને સંપૂર્ણપણે તોડી પાડવામાં આવ્યું છે. આ ગેંગના સાગરીતો વિરુદ્ધ ‘ધ ગુજરાત કંટ્રોલ ઓફ ટેરરિઝમ એન્ડ ઓર્ગેનાઇઝ્ડ ક્રાઇમ એક્ટ-૨૦૧૫’ (GUJCTOC) હેઠળ કડક કાનૂની કાર્યવાહી કરવામાં આવી છે.

તાજેતરમાં વેજલપુર પોલીસ સ્ટેશન ખાતે ભારતીય ન્યાય સંહિતા-૨૦૨૩ (BNS) અને આર્મ્સ એક્ટ હેઠળ ગુનો નોંધાયો હતો. આ કેસની ઊંડાણપૂર્વક તપાસ દરમિયાન સામે આવ્યું કે આરોપીઓ સંગઠિત ટોળકી બનાવીને ભય ફેલાવી રહ્યા હતા. તપાસ અધિકારીઓની કડક તપાસમાં આ ગેંગનો કાળો ઈતિહાસ બહાર આવ્યો હતો.

💣 એક દાયકાથી બેરોકટોક ચાલતી ગુનાહિત પ્રવૃત્તિઓ

Ahmedabad Police : તપાસમાં ખુલાસો થયો છે કે આ ટોળકી વિરુદ્ધ વેજલપુર, વટવા, દાણીલીમડા તેમજ ક્રાઇમ બ્રાન્ચ (DCB) પોલીસ સ્ટેશનોમાં ગેરકાયદેસર હથિયારો રાખવા-વેચવા, ખૂનની કોશિશ, જીવલેણ હુમલો, નાર્કોટિક્સ (NDPS) અને ધાકધમકી જેવા ૧૪થી પણ વધુ ગંભીર ગુનાઓ નોંધાયેલા છે. ભૂતકાળમાં પાસા (PASA) અને અટકાયતી પગલાં લેવા છતાં તેમજ અદાલત દ્વારા શરતી જામીન આપવામાં આવ્યા હોવા છતાં, આ ગેંગ છેલ્લા એક દાયકાથી પોતાની ગુનાહિત પ્રવૃત્તિઓ બેરોકટોક ચલાવી રહી હતી.

જેથી આ ખતરાને કાયમી ધોરણે ઠપ કરવા વેજલપુર પી.આઈ. દ્વારા તૈયાર કરાયેલી દરખાસ્તને પોલીસ કમિશનરશ્રીએ મંજૂરી આપતાં GUJCTOC એક્ટ ૨૦૧૫ ની કલમ ૩(૧)(૨), ૩(૨) અને ૩(૪) નો ઉમેરો કરાયો છે.

🚨 GUJCTOC હેઠળ સંડોવાયેલા આરોપીઓ:

૧. મુજાહિદ અલી ઉર્ફે બાબુ કાલીયા સાકીરઅલી નાઈ (ઉ.વ.૩૩, રહે. ફતેહવાડી, અમદાવાદ) – (જ્યુડિશિયલ કસ્ટડીમાં) ૨. વસીમ ઉર્ફે ડેમો ઉસ્માન શેખ (ઉ.વ.૨૬, રહે. ફતેહવાડી, મૂળ મીરઝાપુર) – (જ્યુડિશિયલ કસ્ટડીમાં) ૩. રોઝાનખાન ઉર્ફે શેઝાન વાહીદખાન પઠાણ (ઉ.વ.૨૩, રહે. ફતેહવાડી) – (વોન્ટેડ)

⚖️ કોર્ટ પાસેથી મેળવાયા ૨ દિવસના રિમાન્ડ

Ahmedabad Police : આ કેસની આગળની તપાસ મદદનીશ પોલીસ કમિશનર (N-ડિવિઝન) શ્રી એસ.એમ. પટેલ ચલાવી રહ્યા છે. મુખ્ય આરોપી બાબુ કાલીયા અગાઉ પણ ખૂનના ૨ ગુનામાં સામેલ હતો; જેમાં વર્ષ ૨૦૧૮ના કેસમાં તે નિર્દોષ છૂટ્યો હતો જ્યારે મહેસાણાના બાવલુ પોલીસ સ્ટેશનના ૨૦૨૩ના ખૂનના ગુનામાં હથિયાર પૂરું પાડનાર આરોપી તરીકે સામેલ છે. હાલ કોર્ટમાંથી તેના ૨ દિવસના રિમાન્ડ મેળવીને વધુ પૂછપરછ ચાલુ કરવામાં આવી છે.

આ સફળ કામગીરી DCP શિવમ વર્મા (IPS), ACP એસ.એમ. પટેલ, PI આર.એમ. ચૌહાણ અને તેમની ટીમ દ્વારા પાર પાડવામાં આવી છે.

• Anandnagar Police : આનંદનગરમાં મોબાઇલ ચોરના ખેલનો અંત! 9 ફોન સાથે 19 વર્ષનો યુવક ઝડપાયો
• UPI Charges પર મોટો ખુલાસો: Finance Ministryએ ગેરસમજ કરી દૂર
• Ahmedabad : ઇસનપુર બ્રિજ પાસે ક્રાઇમ બ્રાન્ચનો સપાટો: ક્રેટા કારમાંથી ₹૨.૫૧ લાખનો વિદેશી દારૂ પકડાયો
• Child Protection : ઇન્ટરનેટથી શાળા સુધી: ગુજરાત સરકારે બાળકોની સુરક્ષા માટે શું માર્ગદર્શિકા બનાવી?
• Bangladesh : બાંગ્લાદેશમાં રાજકીય ભૂકંપ : ઓબૈદુલ કાદેર સહિત 7 નેતાઓને ફાંસી

Food Safety : ગુજરાતની 200 હોસ્ટેલ-કેન્ટીનમાં અચાનક તપાસ, 200 સ્થળોએ દરોડા, 10 કેન્ટીન બંધ અને 61ને નોટિસ