હેપ્પી બર્થડે ગાંધીનગર: 61 વર્ષ પહેલાં સાબરમતીના કિનારે મુકાયેલી એ પ્રથમ ઈંટની રોમાંચક કહાની! 🎂🏙️
ગાંધીનગર, 2 ઓગસ્ટ 2026: આજે જ્યારે આપણે ગાંધીનગરના પહોળા રસ્તાઓ અને હરિયાળી વચ્ચેથી પસાર થઈએ છીએ, ત્યારે કલ્પના કરવી મુશ્કેલ છે કે 1965માં અહીં માત્ર ખુલ્લા ખેતરો અને રેતીના વંટોળ ઉડતા હતા. 2 ઓગસ્ટ, 1965ના રોજ આ શહેરની પ્રથમ ઈંટ મુકાઈ હતી. આજે આ શહેર માત્ર ગુજરાતની રાજકીય ધબકાર નથી, પણ સુઆયોજિત શહેરી વિકાસનું વૈશ્વિક મોડેલ છે.
💡 કેમ લુઈ કાનને બદલે ગુજરાતી હાથો પર મુકાયો ભરોસો?
Gandhinagar : ગાંધીનગરના નિર્માણ પાછળ એક બહુ મોટો નિર્ણય લેવાયો હતો. શરૂઆતમાં વિશ્વવિખ્યાત અમેરિકન સ્થાપત્યકાર લુઈ કાનને આ જવાબદારી સોંપવાની તૈયારી હતી, એક લાખ ડોલરની ફીનો પ્રસ્તાવ પણ હતો. પરંતુ ગુજરાત સરકારે મક્કમતાથી નક્કી કર્યું કે, “ગુજરાતની રાજધાનીનું આયોજન ભારતીય હાથોથી જ થશે”. આ જવાબદારી સોંપાઈ મહેસાણાના પનોતા પુત્ર એચ. કે. મેવાડાને, જેમણે અમેરિકાની કોર્નેલ યુનિવર્સિટીમાંથી શિક્ષણ લીધું હતું અને ચંડીગઢના નિર્માણમાં લે કોર્બુઝિયર સાથે કામ કર્યું હતું.
📏 અદભૂત આયોજન: માત્ર 3 લાખ નહીં, 7.5 લાખ લોકોનો વિચાર!
Gandhinagar : પ્રકાશ એમ. આપ્ટે અને એચ. કે. મેવાડાએ મળીને આ શહેરને ગાંધીવાદી મૂલ્યો પર કંડાર્યું. 30 સેક્ટરનું એવું ગ્રીડ આયોજન કે જેમાં દરેક કિલોમીટરે વ્યવસ્થા હોય. રસ્તાઓના નામ પણ ગુજરાતી મૂળાક્ષરો (ક, ખ, ગ…) પરથી રાખવામાં આવ્યા. આયોજન એટલું દીર્ઘદ્રષ્ટિ વાળું હતું કે ભવિષ્યમાં આ શહેર 7.5 લાખ લોકોને સમાવી શકે.
🌸 વિધાનસભામાં ‘કમળ’ અને સેક્ટરમાં શાંતિ શું તમે જાણો છો?
Gandhinagar : ગાંધીનગરની વિધાનસભાનું આંતરિક સ્થાપત્ય કમળના ફૂલ પરથી પ્રેરિત છે. જેનો આખો ભાર એક મધ્યસ્થ સ્તંભ પર છે. શરૂઆતના દિવસોમાં માત્ર 14 હજારની વસ્તી ધરાવતું આ શહેર આજે ગિફ્ટ સિટી, મહાત્મા મંદિર અને મેટ્રો કનેક્ટિવિટી સાથે ‘ગ્લોબલ હબ’ બની ગયું છે.
🌱 Gandhinagar : રેતીથી હરિયાળી સુધીની સફર
Gandhinagar : એક સમયે જ્યાં રાત્રે સ્મશાન જેવી શાંતિ રહેતી, આજે ત્યાં વિકાસનો ઉત્સવ છે. દ્વારકા અને પાટણ જેવી ઐતિહાસિક રાજધાનીઓની પરંપરામાં ગાંધીનગર એક આધુનિક ઘરેણું છે. આજે ગાંધીનગર 61 વર્ષનું થયું છે, પણ તેના સપનાઓ હજુ નવા છે.
Social Media : શું સોશિયલ મીડિયા ભારતને તોડવાનું હથિયાર છે? ષડયંત્રનો પર્દાફાશ
