Raksha Bandhan : રક્ષાબંધનનો પવિત્ર તહેવાર નજીક આવી રહ્યો છે ત્યારે ભાઈ-બહેનના અતૂટ પ્રેમનું પ્રતીક એવી રાખડી સુરક્ષિત રીતે પહોંચાડવા માટે ભારતીય પોસ્ટ વિભાગે કમર કસી છે. અવારનવાર ચોમાસામાં વરસાદને કારણે રાખડી પલળી જવાનો કે કવર ફાટી જવાનો ભય રહેતો હોય છે, પરંતુ આ વખતે ઉત્તર ગુજરાત પરિક્ષેત્રના પોસ્ટમાસ્ટર જનરલ શ્રી કૃષ્ણ કુમાર યાદવે બહેનો માટે એક વિશેષ ભેટ રજૂ કરી છે.
🌧️ Raksha Bandhan : વરસાદમાં પણ રાખડી રહેશે સુરક્ષિત
Raksha Bandhan : પોસ્ટ વિભાગ દ્વારા ખાસ ‘વોટર-રેઝિસ્ટન્ટ’ (પાણી પ્રતિરોધક) ડિઝાઇનર રાખડી કવર બહાર પાડવામાં આવ્યા છે. આ કવર ત્રણ અલગ-અલગ આકર્ષક ડિઝાઇનમાં ઉપલબ્ધ છે, જે વરસાદમાં ભીના થવા છતાં રાખડીને સુરક્ષિત રાખશે. 11 સે.મી. x 22 સે.મી.ના આ કવરની કિંમત માત્ર ₹10 રાખવામાં આવી છે.
🎁 રાખડી સાથે મોકલો મીઠાઈ અને ગિફ્ટ
Raksha Bandhan : માત્ર કવર જ નહીં, પણ રાખડી સાથે ભેટ આપવા માંગતી બહેનો માટે ત્રણ અલગ-અલગ કદના ગિફ્ટ બોક્સ પણ લોન્ચ કરવામાં આવ્યા છે.
- 250 ગ્રામ ક્ષમતાનું બોક્સ: ₹35
- 500 ગ્રામ ક્ષમતાનું બોક્સ: ₹40
- 1 કિલોગ્રામ ક્ષમતાનું બોક્સ: ₹50 આ બોક્સ દ્વારા તમે દેશ કે વિદેશમાં મીઠાઈ અને અન્ય ઉપહારો સરળતાથી મોકલી શકશો.
🚀 સુપર ફાસ્ટ ડિલિવરી માટે ખાસ વ્યવસ્થા
Raksha Bandhan : આ ડિઝાઇનર કવર અને બોક્સ પર પરંપરાગત ચિત્રો જેમ કે પૂજા થાળ, ફૂલ અને સ્નેહના પ્રતીકો દોરવામાં આવ્યા છે. આ વિશિષ્ટ ડિઝાઇનને કારણે પોસ્ટ વિભાગના કર્મચારીઓ તેને સોર્ટિંગ વખતે જલ્દી ઓળખી શકશે, જેથી રાખડીનું વિતરણ સમયસર અને ઝડપથી થઈ શકે. વિદેશમાં રહેતા ભાઈઓ માટે પણ ‘ઇન્ટરનેશનલ ટ્રેકડ પેકેટ સેવા’ દ્વારા સસ્તા દરે રાખડી મોકલવાની સુવિધા ઉપલબ્ધ છે.
⏰ 24 કલાક બુકિંગની સુવિધા
Raksha Bandhan : બહેનોની સુવિધા માટે અમદાવાદના શાહીબાગ, મણિનગર રેલવે સ્ટેશન, અને નવરંગપુરા જેવી મુખ્ય ઓફિસો તેમજ સુરત, રાજકોટ અને વડોદરાના રેલવે મેઇલ સર્વિસ કાઉન્ટરો પર 24 કલાક બુકિંગ ચાલુ રહેશે. આ ઉપરાંત ઘણી પોસ્ટ ઓફિસો રાત્રે 8 વાગ્યા સુધી પણ ખુલ્લી રહેશે.
આ સેવા ઉત્તર ગુજરાતના અમદાવાદ, ગાંધીનગર, મહેસાણા, પાટણ સહિતના તમામ જિલ્લાઓની હેડ પોસ્ટ ઓફિસ અને બ્રાંચ ઓફિસમાં ઉપલબ્ધ છે. તો મોડું ના કરતા, આજે જ તમારી રાખડી સુરક્ષિત કવરમાં પોસ્ટ કરો.
Social Media : શું સોશિયલ મીડિયા ભારતને તોડવાનું હથિયાર છે? ષડયંત્રનો પર્દાફાશ
