🚨 Baruipur રેપ-મર્ડર કેસ: પાપીનો અંત! મધરાતે ક્રાઈમ સીન પર જ આરોપીનું એન્કાઉન્ટર, ભાગવા જતાં પોલીસની ગોળીએ વીંધાયો
Baruipur : પશ્ચિમ બંગાળ: પશ્ચિમ બંગાળના બરુઈપુરમાં માસૂમ બાળકી સાથે હેવાનીયત કરનાર નરાધમનો આખરે અંત આવ્યો છે. બરુઈપુર રેપ અને મર્ડર કેસના મુખ્ય આરોપી પ્રભાસ મંડલને પોલીસે બુધવારે વહેલી સવારે એક એન્કાઉન્ટરમાં ઠાર માર્યો છે. આ ઘટના ત્યારે બની જ્યારે પોલીસ તેને તપાસ માટે ઘટનાસ્થળે લઈ ગઈ હતી.
🌑 મધરાતે શું બની ઘટના?
Baruipur : મંગળવારે મોડી રાત્રે બરુઈપુર પોલીસની એક ટીમ આરોપી પ્રભાસ મંડલને લઈને સૂર્યપુર વિસ્તારમાં પહોંચી હતી. પોલીસનો હેતુ ‘ક્રાઈમ સીન રિકન્સ્ટ્રક્શન’ એટલે કે ઘટના કેવી રીતે બની તેનું નિરીક્ષણ કરવાનો હતો. પોલીસના જણાવ્યા અનુસાર, આ દરમિયાન પ્રભાસે અચાનક એક પોલીસકર્મી પાસેથી હથિયાર છીનવી લીધું અને પોલીસ પર જ ફાયરિંગ કરીને ભાગવાનો પ્રયાસ કર્યો.
પોલીસે સ્વબચાવમાં વળતું ફાયરિંગ કર્યું, જેમાં પ્રભાસને ગોળી વાગી હતી. તેને તાત્કાલિક હોસ્પિટલ લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો હતો.
💔 જનેતાએ પણ ફિટકાર આપ્યો: “તેને લાયક સજા મળી”
Baruipur : આ ઘટનામાં સૌથી ચોંકાવનારી વાત એ છે કે આરોપીની માતાએ પણ તેના દીકરાનો પક્ષ લેવાને બદલે ન્યાયનું સમર્થન કર્યું છે. તેના મૃત્યુના સમાચાર સાંભળીને પ્રભાસની માતાએ કહ્યું કે, તેણે જે પાપ કર્યું હતું તેને લાયક જ સજા તેને મળી છે.
🔥 લોકોમાં ફાટી નીકળ્યો હતો રોષ
Baruipur : તમને જણાવી દઈએ કે 4 જુલાઈના રોજ એક 11-12 વર્ષની માસૂમ બાળકી ગુમ થઈ હતી અને તેનો મૃતદેહ બીજા દિવસે એક કોથળામાં ભરેલો મળી આવ્યો હતો. આ ઘટના બાદ બરુઈપુરમાં ભારે હિંસક વિરોધ પ્રદર્શનો થયા હતા. ગુસ્સે ભરાયેલા લોકોએ પોલીસ વાહનોને નુકસાન પહોંચાડ્યું હતું અને રસ્તાઓ જામ કરી દીધા હતા. એક શંકાસ્પદ વ્યક્તિને તો ભીડે માર મારીને પતાવી દીધો હતો.
🔍 SIT તપાસ ચાલુ છે
Baruipur : આ મામલે રાજ્ય સરકારે ગંભીરતા દાખવીને 6 સભ્યોની સ્પેશિયલ ઇન્વેસ્ટિગેશન ટીમ (SIT) ની રચના કરી હતી. મુખ્યમંત્રી સુવેન્દુ અધિકારીએ પણ કાયદો અને વ્યવસ્થા જાળવવા કડક સૂચના આપી હતી. અત્યાર સુધીમાં આ કેસમાં ત્રણ લોકોની ધરપકડ કરવામાં આવી હતી, જેમાંથી પ્રભાસ મુખ્ય આરોપી હતો.
હવે નદીઓમાં ગેટ નહીં, ‘રબર’ના ડેમ પાણી રોકશે! જાણો શું છે આ વિદેશી ટેકનોલોજી?
