🥃 સચાણા રેલ્વે ફાટક પાસે પોલીસનું ફિલ્મી ઓપરેશન: ₹15 લાખનો મુદ્દામાલ અને રાજસ્થાની બુટલેગરો ઝડપાયા 📦
અમદાવાદ ગ્રામ્ય વિસ્તારમાં દારૂની ગેરકાયદે હેરાફેરી કરતા તત્વો સામે પોલીસે લાલ આંખ કરી છે. પોલીસ મહાનિરીક્ષક રાઘવેન્દ્ર વત્સ અને પોલીસ અધિક્ષક ઓમ પ્રકાશ જાટની સૂચના મુજબ, જિલ્લામાં દારૂબંધીનો કડક અમલ કરાવવા માટે LCB (લોકલ ક્રાઈમ બ્રાન્ચ) એ કમર કસી છે. આ કવાયતના ભાગરૂપે LCBની ટીમે વિરમગામ પાસે એક મોટી સફળતા હાંસલ કરી છે.
🚔 ચોક્કસ બાતમી અને પોલીસનું ઓપરેશન
અમદાવાદ ગ્રામ્ય LCB ના પોલીસ ઇન્સ્પેક્ટર આર.એન. કરમટીયાના માર્ગદર્શન હેઠળ PSI આર.બી. રાઠોડ અને તેમની ટીમ પેટ્રોલિંગમાં હતી. આ દરમિયાન ASI જયદીપસિંહ વાઘેલા અને PC ચમનભાઇ જાદવને એક ચોક્કસ અને આધારભૂત બાતમી મળી હતી. બાતમી હતી કે, વિરમગામ રૂરલ પોલીસ સ્ટેશન વિસ્તારના સચાણા ગામ પાસે એક સફેદ રંગની ક્રેટા ગાડી (નંબર GJ-27-ES-1229) માં વિદેશી દારૂનો જથ્થો પસાર થવાનો છે.
📦 અમદાવાદ ગ્રામ્ય LCB : લાખોનો મુદ્દામાલ અને દારૂની 3528 બોટલો જપ્ત
અમદાવાદ ગ્રામ્ય LCB : બાતમીના આધારે પોલીસે સચાણા ગામ વૃદ્ધાશ્રમથી સચાણા રેલ્વે ફાટક પાસે વોચ ગોઠવી હતી. તપાસ દરમિયાન ગાડીમાંથી ભારતીય બનાવટની વિદેશી દારૂની નાની-મોટી બોટલો અને બીયર ટીન મળી કુલ 3528 નંગ જથ્થો મળી આવ્યો હતો, જેની કિંમત ₹5,00,376 થાય છે. પોલીસે દારૂ, ક્રેટા ગાડી અને અન્ય મુદ્દામાલ મળી કુલ ₹15,15,376 નો મુદ્દામાલ જપ્ત કર્યો છે.
👥 રાજસ્થાનના બે શખ્સો જેલના સળિયા પાછળ
અમદાવાદ ગ્રામ્ય LCB : પોલીસે આ કેસમાં રાજસ્થાનના બે આરોપીઓની ધરપકડ કરી છે:
- નેમીચાંદ મંગલારામ બિશ્નોઈ (રહે. કુંડકી ગામ, જી. ઝાલોર, રાજસ્થાન)
- વિકાસ ભભુતારામ બિશ્નોઈ (રહે. બારૂડી, જી. બાલોતરા, રાજસ્થાન).
🎖️ કામગીરી કરનાર પોલીસ ટીમ (Hero of the Operation) આ સફળ ઓપરેશનને પાર પાડવામાં અમદાવાદ ગ્રામ્ય LCBના નીચે મુજબના અધિકારીઓ અને કર્મચારીઓએ નોંધપાત્ર ભૂમિકા ભજવી હતી:
- આર.એન. કરમટીયા (પોલીસ ઇન્સ્પેક્ટર)
- આર.બી. રાઠોડ (પોલીસ સબ ઇન્સ્પેક્ટર)
- જયદીપસિંહ વાઘેલા (ASI)
- રાજુજી ઠાકોર (ASI)
- કપીલદેવસિંહ વાઘેલા (ASI)
- કુલદીપસિંહ ઝાલા (HC)
- ઇસ્માઇલબેગ મિરઝા (HC)
- અનુપસિંહ સોલંકી (HC)
- હિમાંશુભાઇ પરમાર (HC)
- છત્રસિંહ સોલંકી (HC)
- ચમનભાઇ જાદવ (PC)
આ કાર્યવાહીથી અમદાવાદ ગ્રામ્ય પંથકમાં દારૂની હેરાફેરી કરતા બુટલેગરોમાં ફફડાટ ફેલાઈ ગયો છે.
અસલાલી : લગ્નના નામે છેતરપિંડી કરનાર ‘લૂંટેરી દુલ્હન’ની ધરપકડ
