🚔 અસલાલી પોલીસની મોટી સફળતા: લગ્નના નામે છેતરપિંડી કરી નાસતી ફરતી મહિલા આરોપી ‘લૂંટેરી દુલ્હન’ ઝડપાઈ 👏🏽🔥
અમદાવાદ: લગ્ન કરવા ઈચ્છતા યુવાનો માટે લાલબત્તી સમાન કિસ્સો સામે આવ્યો છે. અમદાવાદ ગ્રામ્યના અસલાલી પોલીસ સ્ટેશનની ટીમે છેલ્લા ચાર મહિનાથી પોલીસને થાપ આપી નાસતી-ફરતી એક ‘લૂંટેરી દુલ્હન’ને ઝડપી પાડવામાં મોટી સફળતા મેળવી છે.
📍 લગ્નની લાલચ આપી ₹2.25 લાખની છેતરપિંડી 💸
ઘટનાની વિગત એવી છે કે, આરોપી મહિલાએ લગ્નની લાલચ આપી ભોગ બનનારનો વિશ્વાસ જીત્યો હતો. ત્યારબાદ લગ્ન કરી, કુલ રૂપિયા ૨,૨૫,૦૦૦/- ની રોકડ રકમની છેતરપિંડી આચરી તે ફરાર થઈ ગઈ હતી. આ અંગે ગત તા. ૦૩/૦૧/૨૦૨૬ ના રોજ અસલાલી પોલીસ સ્ટેશનમાં બી.એન.એસ.ની વિવિધ કલમો હેઠળ ગુનો નોંધવામાં આવ્યો હતો.
🕵️♂️ ચાર મહિનાની મહેનત અને ફિલ્મી ઢબે ધરપકડ 🚔
આ કેસની ગંભીરતાને જોતા અમદાવાદ ગ્રામ્ય પોલીસ અધિક્ષક ઓમ પ્રકાશ જાટ અને ઉચ્ચ અધિકારીઓની સૂચનાથી અસલાલી પોલીસ એક્શનમાં આવી હતી. પોલીસ ઈન્સ્પેક્ટર પી.એસ. ચૌધરીના માર્ગદર્શન હેઠળ સર્વેલન્સ સ્ટાફની ટીમે હ્યુમન સોર્સ અને બાતમીદારોની મદદથી આરોપી મહિલાનું લોકેશન ટ્રેસ કર્યું હતું.
પોલીસને ચોક્કસ બાતમી મળી હતી કે આરોપી મહિલા શારદાબેન બાબુભાઈ ગામિત, જે મૂળ વડોદરાના આજવા રોડ પર આવેલ બી.એસ.યુ.પી. આવાસમાં રહે છે, તે ત્યાં છુપાયેલી છે.
અસલાલી પોલીસે તુરંત દરોડો પાડીને છેલ્લા ચાર મહિનાથી નાસતી આ મહિલાને વડોદરાથી ઝડપી પાડી કાયદેસરની કાર્યવાહી હાથ ધરી છે.
👮♂️ પોલીસ ટીમની પ્રશંસનીય કામગીરી 👏
આ સમગ્ર ઓપરેશનમાં અસલાલી પોલીસ સ્ટેશનના પી.આઈ. પી.એસ. ચૌધરી, પી.એસ.આઈ. બી.એમ. પીપરીયા સહિત એ.એસ.આઈ. ધર્મિષ્ઠાબેન અને અન્ય પોલીસ કર્મચારીઓએ મહત્વની ભૂમિકા ભજવી હતી. આ સફળતાથી લગ્નના નામે છેતરપિંડી કરતી ટોળકીઓમાં ફફડાટ વ્યાપી ગયો છે.
બંગાળમાં સુવેન્દુ અધિકારીના ‘રાઈટ હેન્ડ’ ચંદ્રનાથ રથની ફિલ્મી ઢબે હત્યા
