☀️ Gujarat : સરકારી કચેરીઓનું વીજ બિલ થશે શૂન્ય: ગુજરાતમાં સોલાર રૂફટોપની સૌથી મોટી ક્રાંતિ!
Gujarat : ગુજરાતમાં સરકારી ઇમારતો હવે માત્ર વહીવટનું કેન્દ્ર નથી રહી, પરંતુ સ્વચ્છ અને અક્ષય ઉર્જાનું મોડેલ બની ગઈ છે. મુખ્યમંત્રી ભૂપેન્દ્ર પટેલના નેતૃત્વ હેઠળ રાજ્યની સરકારી કચેરીઓની છત પર સોલાર રૂફટોપ સિસ્ટમ સ્થાપિત કરીને વીજ વપરાશમાં મોટો અને યુગપ્રવર્તક બદલાવ લાવવામાં આવી રહ્યો છે. રાજ્યમાં અત્યાર સુધીમાં 6,014 સરકારી ઇમારતો પર રૂફટોપ સોલાર સિસ્ટમ કાર્યરત થઈ ચૂકી છે, જેની કુલ વીજ ઉત્પાદન ક્ષમતા 95 મેગાવોટ (MW) સુધી પહોંચી ગઈ છે. ક્લાઇમેટ ચેન્જ મંત્રી અર્જુન મોઢવાડિયાના જણાવ્યા અનુસાર, વર્ષ 2025-26 દરમિયાન જ 1,377 ઇમારતો પર નવી સોલાર સિસ્ટમ સ્થાપીને 17.1 મેગાવોટ અક્ષય ઉર્જા ઉમેરવામાં આવી હતી.
🏢 15,000 નવી ઇમારતો અને રૂ. 314 કરોડનું બજેટ
Gujarat : ચાલુ નાણાકીય વર્ષમાં સરકારી ઇમારતો પર સોલાર સિસ્ટમ લગાવવાનું અત્યાર સુધીનું સૌથી મોટું વિસ્તરણ હાથ ધરાયું છે. સરકારે ચાલુ વર્ષે વધુ 15,000 સરકારી ઇમારતો પર સોલાર રૂફટોપ સ્થાપવાનો મહત્વાકાંક્ષી લક્ષ્યાંક રાખ્યો છે, જેનાથી રાજ્યમાં વધુ 65 મેગાવોટ સોલાર ક્ષમતાનો ઉમેરો થશે.
ગુજરાત ઉર્જા વિકાસ એજન્સી (GEDA) દ્વારા સંચાલિત આ પ્રોજેક્ટ માટે વર્ષ 2026-27ના બજેટમાં રૂ. 314 કરોડની જોગવાઈ કરાઈ છે. જેમાં સામાન્ય સરકારી ઇમારતો માટે રૂ. 278 કરોડ, સામાજિક ન્યાય અને અધિકારીતા વિભાગ માટે રૂ. 3 કરોડ તેમજ આદિજાતિ વિકાસ વિભાગ હસ્તકની ઇમારતો માટે રૂ. 33 કરોડ ફાળવવામાં આવ્યા છે. આ યોજનામાં ક્લાઇમેટ ચેન્જ વિભાગ દ્વારા 100% મૂડી ખર્ચની સહાય પૂરી પાડવામાં આવે છે.
📊 IIoT ટેકનોલોજીથી મોનિટરિંગ અને દેશમાં નંબર-1 રેન્કિંગ
Gujarat : ડિજિટલ ટ્રાન્સફોર્મેશન તરફ ડગ માંડતા ગુજરાતે આ વર્ષથી IIoT (ઇન્ડસ્ટ્રિયલ ઇન્ટરનેટ ઓફ થિંગ્સ) આધારિત રિન્યુએબલ એનર્જી મોનિટરિંગ સિસ્ટમ પણ શરૂ કરી છે. સ્માર્ટ મીટર અને 4G/GPRS સેન્સર ધરાવતી આ સિસ્ટમ દર 15 મિનિટે રિમોટ ડેટા એકત્રિત કરે છે.
કેન્દ્રીય નવી અને પુનઃપ્રાપ્ય ઊર્જા મંત્રાલયના તાજેતરના આંકડા અનુસાર, ગુજરાત 47,178 મેગાવોટ ક્ષમતા સાથે રાજસ્થાનને પાછળ છોડી રિન્યુએબલ એનર્જી ક્ષેત્રે દેશમાં પ્રથમ સ્થાને પહોંચી ગયું છે. ક્લાઇમેટ ચેન્જ રાજ્યમંત્રી પ્રવીણ માળી અને GEDA નિયામક ધર્મેન્દ્ર પટેલ (IAS) ના મતે આ પહેલથી સરકારી તિજોરી પરનો વીજ ખર્ચ ઘટશે અને પર્યાવરણનું રક્ષણ થશે.
- Houthi Saudi conflict : એક નાનકડો દરિયાઈ માર્ગ અને આખી દુનિયા પર ખતરો! હુતી-સાઉદી સંઘર્ષનું ભારત કનેક્શન
- Plague : સાઇબિરીયાની સીક્રેટ લૅબમાં કાચની ટ્યુબ તૂટી અને… પ્લેગનો ખૌફ! 200 લોકો આઇસોલેટ
- Gujarat : ગુજરાતની સરકારી ઇમારતો હવે બનાવશે વીજળી! 6,014 બિલ્ડિંગ પર સોલાર, 65 MWનો નવો પ્લાન
- Sabarmati : સાબરમતી કોચિંગ ડેપોમાં મોટો ટેકનોલોજી અપગ્રેડ! હવે વંદે ભારત ‘પોતે’ જશે મેન્ટેનન્સ લાઇન પર
- Nadiad Gold Robbery : ચાલુ ટ્રેને ₹3.76 કરોડનું સોનું લૂંટાયું! પકડવા માટે PI ચાલુ કારમાં કૂદી પડ્યા, પોલીસે લગાવી જાનની બાજી
