Gujarat : તમારા હાથમાં રહેલો સ્માર્ટફોન હોય, ઘરની બહાર ઉભેલી ઇલેક્ટ્રિક કાર હોય કે દેશની રક્ષા કરતા અત્યાધુનિક સંરક્ષણ ઉપકરણો – આ બધાના ‘મગજ’ સમાન સેમિકન્ડક્ટર ચિપ્સ હવે ગુજરાતની ધરતી પર તૈયાર થશે. વડાપ્રધાન શ્રી નરેન્દ્ર મોદીના ‘આત્મનિર્ભર ભારત’ના વિઝનને સાકાર કરવા માટે ગુજરાત આજે વિશ્વના નકશા પર સેમિકન્ડક્ટર હબ તરીકે ઉભરી આવ્યું છે.
🔥 Gujarat : આજે રચાશે ઇતિહાસ: CG Semi શરૂ કરશે ઉત્પાદન
Gujarat : ગુજરાત માટે આજનો દિવસ એટલે કે 4 જુલાઈ ખૂબ જ મહત્વનો છે. CG Semi તેની OSAT ફેસિલિટી ખાતેથી વ્યાવસાયિક ઉત્પાદન (Commercial Production) શરૂ કરવા જઈ રહ્યું છે. આ એક એવી સિદ્ધિ છે જે ગુજરાતને સેમિકન્ડક્ટર ઉત્પાદનના વૈશ્વિક મેદાનમાં લાવીને ઉભું કરી દેશે.
💰 ₹1.24 લાખ કરોડનું રોકાણ અને 50,000 નોકરીઓ
Gujarat : મુખ્યમંત્રી શ્રી ભૂપેન્દ્ર પટેલના નેતૃત્વમાં ગુજરાતે દેશની પ્રથમ સમર્પિત ‘સેમિકન્ડક્ટર પોલિસી’ જાહેર કરીને બાજી મારી લીધી છે. હાલમાં રાજ્યમાં અંદાજે ₹1.24 લાખ કરોડના 6 મોટા પ્રોજેક્ટ્સ કાર્યરત છે, જેના કારણે 50,000થી વધુ પ્રત્યક્ષ અને પરોક્ષ રોજગારીની તકો ઊભી થશે.
🏗️ કયા કયા દિગ્ગજો ગુજરાતમાં છે?
Gujarat : સાણંદ અને ધોલેરા અત્યારે સેમિકન્ડક્ટરના મુખ્ય કેન્દ્રો બન્યા છે:
- માઇક્રોન ટેક્નોલોજી અને કેઇન્સ સેમિકોન: સાણંદ GIDC ખાતે આ બંને પ્લાન્ટ્સ પહેલેથી જ કાર્યરત થઈ ચૂક્યા છે.
- ટાટા ઇલેક્ટ્રોનિક્સ: ધોલેરા ખાતે ભારતની પ્રથમ વ્યાવસાયિક સેમિકન્ડક્ટર ફાઉન્ડ્રી (Fab)નું નિર્માણ અંતિમ તબક્કામાં છે.
- સુચી સેમિકોન: સુરત ખાતે આ કંપનીનો પાયલટ પ્લાન્ટ કાર્યરત છે.
- ક્રિસ્ટલ મેટ્રિક્સ: ધોલેરા ખાતે દેશનું પ્રથમ વ્યાવસાયિક મિની અને માઇક્રો-LED ડિસ્પ્લે યુનિટ સ્થાપશે.
🌍 ગ્લોબલ ઇકોસિસ્ટમનું નિર્માણ
Gujarat : માત્ર ચિપ ઉત્પાદન જ નહીં, પણ લિન્ડે, તાઇવાનની TSMT, જર્મનીની ઇન્ફિનિયોન અને જાપાનની ફુજીફિલ્મ જેવી વૈશ્વિક કંપનીઓ પણ ગુજરાતમાં પાયો નાખી રહી છે. આ એક એવું નેટવર્ક તૈયાર કરી રહ્યું છે જે ગુજરાતને વિશ્વ સ્તરે સ્પર્ધાત્મક બનાવશે.
કેન્દ્ર સરકાર દ્વારા પણ ટૂંક સમયમાં ISM 2.0 માટે ₹1.25 લાખ કરોડના ખર્ચને મંજૂરી મળવાની શક્યતા છે, જે આ ક્ષેત્રને વધુ વેગ આપશે. ટૂંકમાં કહીએ તો, સેમિકન્ડક્ટરના મામલે ગુજરાત હવે અટકવાનું નથી, માત્ર દોડવાનું છે!
Gujarat : જૈશ-એ-મોહમ્મદના 8 આતંકીઓ ઝડપાયા, રથયાત્રા પહેલા ગુજરાત ATSનું મેગા ઓપરેશન
