🌿 Gujarat : ઇકો-ફ્રેન્ડલી ગણેશોત્સવ તરફ ગુજરાતનું મજબૂત ડગલું 🪷
Gujarat : ગુજરાતમાં પર્યાવરણ પ્રત્યેની જાગૃતિ અને ગણેશભક્તિનો અનોખો સંગમ જોવા મળ્યો છે. રાજ્ય સરકારના કુટિર અને ગ્રામોદ્યોગ પ્રભાગ હેઠળના ‘ગુજરાત માટીકામ કલાકારી અને રૂરલ ટેકનોલોજી સંસ્થાન’ દ્વારા તા. ૦૮ થી ૧૪ સપ્ટેમ્બર, ૨૦૨૬ દરમિયાન અમદાવાદ, વડોદરા અને સુરતમાં આયોજિત ૭ દિવસીય ‘માટી મૂર્તિ મેળો-૨૦૨૬’ ને ભવ્ય સફળતા સાંપડી છે. આ મેળા દરમિયાન પર્યાવરણપ્રેમી ગણેશભક્તોનો અભૂતપૂર્વ ઉત્સાહ જોવા મળ્યો હતો. રાજ્યના ૩૬૧ નોંધાયેલા કારીગરો દ્વારા નિર્માણ કરવામાં આવેલી ૨૩,૫૪૨ ઇકો-ફ્રેન્ડલી ગણેશજીની માટીની મૂર્તિઓનું વેચાણ થતાં કારીગરોને અંદાજે રૂ. ૫ કરોડની ભવ્ય આવક થઈ છે.
📊 Gujarat : કયા શહેરમાં કેટલું થયું વેચાણ? જુઓ આંકડાકીય વિગતો 💰
Gujarat : અમદાવાદ, વડોદરા અને સુરત शहराમાં વિવિધ પાંચ સ્થળોએ આ મેળાનું આયોજન કરવામાં આવ્યું હતું. જેમાં અમદાવાદના વસ્ત્રાપુર ખાતે આવેલા ‘અમદાવાદ હાટ’માં સૌથી વધુ રૂ. ૧.૯૧ કરોડથી વધુ રકમનું વેચાણ નોંધાયું હતું. બીજી તરફ, સુરતના અડાજણ ખાતે સૌથી વધુ ૭,૯૨૦ મૂર્તિઓનું વેચાણ થઈને રૂ. ૧.૧૧ કરોડથી વધુની કમાણી થઈ હતી. આ ઉપરાંત, વડોદરાના પારસી અગિયારી મેદાન ખાતે ૭૯ સ્ટોલમાં રૂ. ૮૫.૭૭ લાખનું વેચાણ થયું હતું. અમદાવાદના સાબરમતી રિવરફ્રન્ટ ખાતેના ૧૨૪ સ્ટોલમાં રૂ. ૭૭.૯૯ લાખ અને બોપલ હસ્તકલા હાટ ખાતેના ૩૦ સ્ટોલમાં રૂ. ૩૨.૫૫ લાખની મૂર્તિઓ વેચાઈ હતી.
🛠️ કારીગરોને સરકારનો સીધો સહયોગ: 186 ટન માટી અને વિનામૂલ્યે સ્ટોલ 🤝
Gujarat : આ ભવ્ય આયોજન માટે સંસ્થાન દ્વારા ૩૬૧ માટી મૂર્તિકારોને ૧૮૬ ટન ‘રેડી-ટુ-યુઝ’ માટીનું વિતરણ કરવામાં આવ્યું હતું તથા ૧૦૦ ટકા સબસિડી સાથે વેચાણ માટે વિનામૂલ્યે સ્ટોલ ઉપલબ્ધ કરાયા હતા. ખાદી, કુટીર અને ગ્રામોદ્યોગ મંત્રીશ્રી નરેશ પટેલ અને રાજ્ય મંત્રી શ્રી સ્વરૂપજી ઠાકોરના સક્રિય નેતૃત્વ હેઠળ આયોજિત આ મેળાએ “વોકલ ફોર લોકલ” અને આત્મનિર્ભર ભારતની પરિકલ્પનાને ચરિતાર્થ કરી છે. આ યોજના માત્ર પુરુષ મૂર્તિકારો પૂરતી સીમિત ન રહેતાં, મૂર્તિ નિર્માણ અને સુશોભનમાં જોડાયેલી કારીગર પરિવારની મહિલાઓને ઘરઆંગણે જ આજીવિકા પૂરી પાડી સામાજિક સશક્તીકરણનું એક મજબૂત માધ્યમ બની છે.
🏫 શાળાના 84,000 થી વધુ વિદ્યાર્થીઓએ શીખી માટી મૂર્તિ બનાવવાની કળા 🎨
Gujarat : નવી શિક્ષણ નીતિ (NEP) અંતર્ગત ૧૦ જિલ્લાની ૩૦૨ શાળાઓના ૮૪,૫૦૦ થી વધુ વિદ્યાર્થીઓને માટીની મૂર્તિ બનાવવાનું લાઈવ નિદર્શન અને DIY (Do It Yourself) પ્રવૃત્તિઓ કરાવી પર્યાવરણીય જાગૃતિ ફેલાવવામાં આવી હતી. વર્ષ ૨૦૧૪-૧૫ સુધી રાજ્યમાં સ્થપાતી ગણેશ મૂર્તિઓમાં અંદાજે ૯૦ ટકા મૂર્તિઓ પ્લાસ્ટર ઓફ પેરિસ (POP) ની બનતી હતી, જે પાણીમાં ઓગળતી નથી અને જળચરો તથા જળસ્ત્રોતોને ભારે નુકસાન પહોંચાડે છે.
આ ગંભીર સ્થિતિને પહોંચી વળવા રાજ્ય સરકારના માર્ગદર્શન હેઠળ વર્ષ ૨૦૧૫-૧૬ થી ‘માટીના મૂર્તિકારો માટેની પ્રોત્સાહન યોજના’ અમલમાં મૂકવામાં આવી છે, જેના હેઠળ નોંધાયેલા કારીગરોને ૫૦ ટકા સબસિડી દરે ‘રેડી-ટુ-યુઝ’ માટી, વિનામૂલ્યે વેચાણ સ્ટોલ અને દૈનિક રૂ. ૧,૦૦૦ ની મેળાસહાય ચૂકવવામાં આવે છે. છેલ્લા એક દાયકાના ભગીરથ પ્રયાસોથી POP ની મૂર્તિઓનો વપરાશ ઘણો ઓછો થઈ ગયો છે અને આ યોજના હવે એક સક્ષમ આર્થિક મોડેલ બની આત્મનિર્ભર ગુજરાતથી આત્મનિર્ભર ભારત તરફનું મજબૂત કદમ સાબિત થઈ રહી છે.
- Gujarat : ગુજરાતમાં માટીના ગણેશની ધૂમ! 23,542 મૂર્તિઓનું વેચાણ, ₹5 કરોડની કમાણી
- Ahmedabad : અમદાવાદમાં નકલી ડેપ્યુટી મામલતદારનો ખેલ ખતમ, ક્રાઈમ બ્રાન્ચે મણીનગરથી ઝડપ્યો
- Swachh Bharat : સ્વચ્છ ભારત: વિશ્વનું સૌથી મોટું અભિયાન કેટલું સફળ રહ્યું?
- Ambaji : મા અંબાના દર્શન માટે અંબાજી તૈયાર! ભક્તો માટે રેસ્ટ શેલ્ટરથી ફ્રી ભોજન સુધીની વિશાળ વ્યવસ્થા
- ટ્રમ્પે રશિયા પર કસ્યો શિકંજો, ભારત સામે 100% ટેરિફની તલવાર કેમ?
Ahmedabad : અમદાવાદમાં નકલી ડેપ્યુટી મામલતદારનો ખેલ ખતમ, ક્રાઈમ બ્રાન્ચે મણીનગરથી ઝડપ્યો
