ડીઝલનો એક કેરબો અને CCTV: એક નાનકડી કડીએ ‘જાવેદ મરઘી’ના હત્યારાઓનો પર્દાફાશ કર્યો! ⛽📹,
વણઝર પાસે મધરાતે ખેલાયો મોતનો ખેલ: પુરાવા ભૂંસવા લાશ સળગાવી, પણ પોલીસના નાઈટ પેટ્રોલિંગે પ્લાન ફેલ કર્યો! 🌑🚔,
અમદાવાદ છોડી ભાગવાની ફિરાકમાં હતા આરોપીઓ, ઉજાલા બ્રિજ નીચેથી રિક્ષા સાથે ઝડપાયા! 🛺🔗,
અમદાવાદ: શહેરના છેવાડાના વિસ્તારોમાં ગુનેગારો હવે પોલીસની નજરથી બચી શકશે નહીં. અમદાવાદ પોલીસ કમિશનરની સૂચના મુજબ ચાલી રહેલા નાઈટ પેટ્રોલીંગ દરમિયાન, એલસીબી ઝોન-7 ની ટીમે વણઝર ગામ પાસે સાબરમતી નદીના અવાવરુ પટમાં થયેલી એક સનસનાટીભરી હત્યાનો ભેદ માત્ર ગણતરીના કલાકોમાં ઉકેલી નાખ્યો છે.
સરખેજ : નદીના પટમાં સળગતી હાલતમાં મળી હતી લાશ! 🌑🔥
સરખેજ : ઘટનાની વિગત એવી છે કે, નાયબ પોલીસ કમિશનર ઝોન-7 અને સરખેજ પી.આઈ.ના માર્ગદર્શન હેઠળ પોલીસની ટીમ રાત્રિના સમયે પેટ્રોલીંગમાં હતી. વહેલી સવારે આશરે ચાર વાગ્યાની આસપાસ જ્યારે ટીમ વણઝર ગામ પાસે સાબરમતી નદીના પટમાં પહોંચી, ત્યારે ત્યાં એક લાશ સળગતી હાલતમાં જોવા મળી હતી. લાશ એટલી હદે બળી ગઈ હતી કે તેની ઓળખ કરવી અશક્ય હતી, પરંતુ સ્થળ પરની સ્થિતિ જોતા સ્પષ્ટ હતું કે કોઈએ પેટ્રોલ કે ડીઝલ છાંટીને પુરાવાનો નાશ કરવાનો પ્રયત્ન કર્યો હતો.
પેટ્રોલ પંપના CCTV અને બાતમીદારોએ અપાવી સફળતા 📹⛽
આ ગંભીર મામલાને જોતા તુરંત જ અલગ-અલગ ટીમો બનાવવામાં આવી હતી. તપાસ દરમિયાન નજીકના પેટ્રોલ પંપોના ફૂટેજ ચેક કરવામાં આવ્યા, જેમાં એક શંકાસ્પદ ઇસમ કેરબામાં ડીઝલ ખરીદતો જોવા મળ્યો હતો. જોકે, તેની ઓળખ કરવી મુશ્કેલ હતી, પણ પોલીસની બાતમીદારોની જાળ (Human Intelligence) કામ કરી ગઈ. કોન્સ્ટેબલ જયરાજદાનની બાતમીના આધારે જાણવા મળ્યું કે ડીઝલ ખરીદનાર ઇસમ દીપક ઉર્ફે ભગી પશાભાઈ રાવળ હતો.
ઉજાલા બ્રિજ નીચેથી આરોપીઓ ઝડપાયા 🚔ખેડા
પોલીસે વધુ તપાસ હાથ ધરી તો જાણવા મળ્યું કે આ ગુનામાં દીપક સાથે અન્ય બે શખ્સો જીતેન્દ્ર ઉર્ફે જીતુ ચુનારા અને જગદીશ ઉર્ફે કપિલ ઠાકોર પણ સામેલ હતા. આ ત્રણેય આરોપીઓ અમદાવાદ છોડીને ભાગવાની પિરાકમાં હતા, ત્યારે જ એલસીબી ઝોન-7 ની ટીમે તેઓને સરખેજ ઉજાલા બ્રિજ નીચેથી હત્યામાં વપરાયેલ રિક્ષા સાથે દબોચી લીધા હતા.
કોણ હતો મૃતક? 👤
સરખેજ : પોલીસની કડક પૂછપરછમાં જાણવા મળ્યું કે મૃતક વ્યક્તિનું નામ જાવેદ ઉર્ફે મરઘી ઈકબાલભાઈ સિપાઈ (રહે. સરખેજ) હતું. પકડાયેલા આરોપીઓ પૈકી જીતેન્દ્ર ઉર્ફે જીતુ ચુનારા અગાઉ માતર પોલીસ સ્ટેશનમાં દારૂના ગુનામાં પણ નાસતો ફરતો આરોપી હોવાનું સામે આવ્યું છે.
આમ, અમદાવાદ પોલીસની સતર્કતા અને અસરકારક નાઈટ પેટ્રોલીંગના કારણે એક ભયાનક હત્યાનો ભેદ ઉકેલાયો છે અને હત્યારાઓ જેલના સળિયા પાછળ પહોંચી ગયા છે.
સરખેજ પોલીસ : ઓનલાઈન ટ્રાન્જેક્શનના નકલી સ્ક્રીનશોટથી છેતરતા ૨૩ વર્ષના ‘રાજ’ને સરખેજ પોલીસે દબોચ્યો
