ક્રાઈમ બ્રાન્ચ : દાણીલીમડાના ધોબી ઘાટ પાસેથી ૩ ઘાતક પિસ્તોલ સાથે ‘બેટરી’ અને તેનો સાથી ઝડપાયા
શહેરમાં ગુનાખોરી ડામવા માટે એક્શન મોડમાં આવેલી અમદાવાદ ક્રાઈમ બ્રાન્ચે એક મોટી સફળતા મેળવી છે. બાતમીના આધારે દરોડો પાડીને પોલીસે દાણીલીમડા વિસ્તારમાંથી દેશી બનાવટની ત્રણ પિસ્તોલ સાથે બે રીઢા ગુનેગારોને દબોચી લીધા છે.
ગુપ્ત બાતમી અને ફિલ્મી ઢબે ધરપકડ
અમદાવાદ ક્રાઈમ બ્રાન્ચની ટીમ જ્યારે પેટ્રોલિંગમાં હતી, ત્યારે તેમને ચોક્કસ બાતમી મળી હતી કે દાણીલીમડાના ધોબી ઘાટ પાસે કેટલાક શખ્સો હથિયારો સાથે ઉભા છે. પોલીસે તુરંત જ ધોબી ઘાટ જવાના રસ્તા પર નાકાબંધી કરી ખુલ્લી જગ્યામાંથી બે શખ્સોને ઝડપી પાડ્યા હતા. તેમની તલાશી લેતા પોલીસ પણ ચોંકી ઉઠી હતી.
ક્રાઈમ બ્રાન્ચ : શું શું મળી આવ્યું?
પકડાયેલા આરોપીઓ પાસેથી પોલીસે નીચે મુજબનો મુદ્દામાલ કબજે કર્યો છે:
- દેશી બનાવટની પિસ્તોલ: ૩ નંગ (કિંમત રૂ. ૯૦,૦૦૦)
- ખાલી મેગેઝિન: ૧ નંગ (કિંમત રૂ. ૧,૦૦૦)
- કુલ રૂ. ૯૧,૦૦૦ નો મુદ્દામાલ જપ્ત કરવામાં આવ્યો છે.
ક્રાઈમ બ્રાન્ચ : કોણ છે આ પકડાયેલા આરોપીઓ?
ક્રાઈમ બ્રાન્ચ : પોલીસના હાથે ઝડપાયેલા આ બંને શખ્સો સામાન્ય ગુનેગાર નથી, પણ રીઢા અપરાધીઓ છે: ૧. સાજીદહુસૈન અબ્દુલમજીદ શેખ (ઉ.વ. ૪૪): રહેવાસી – બાપુનગર. ૨. શોહેબખાન ઉર્ફે ‘બેટરી’ (ઉ.વ. ૩૭): રહેવાસી – રખિયાલ.
આરોપીઓનો ભયાનક ગુનાહિત ઇતિહાસ
તપાસમાં સામે આવ્યું છે કે પકડાયેલા આરોપીઓ પર અગાઉ અનેક ગંભીર ગુનાઓ નોંધાયેલા છે. સાજીદહુસૈન અગાઉ હત્યાના પ્રયાસ (કલમ ૩૦૭) અને આર્મ્સ એક્ટના ગુનામાં પકડાઈ ચૂક્યો છે. જ્યારે ‘બેટરી’ તરીકે ઓળખાતા શોહેબખાન વિરુદ્ધ ગોમતીપુર અને રખિયાલ પોલીસ સ્ટેશનમાં ખંડણી, મારામારી, અને ધાકધમકી જેવા અનેક ગુનાઓ નોંધાયેલા છે.
મહારાષ્ટ્ર કનેક્શન અને વોન્ટેડ આરોપીઓ
આ હથિયારો ક્યાંથી આવ્યા તેની તપાસમાં મોટા ખુલાસા થવાની શક્યતા છે. હાલમાં પોલીસે આ કેસમાં અન્ય બે શખ્સોને વોન્ટેડ જાહેર કર્યા છે:
- સહેજાદ મો. સલીમ શેખ (બાપુનગર, અમદાવાદ)
- અમજદ સૈયદ (નંદુરબાર, મહારાષ્ટ્ર).
પોલીસ હવે એ દિશામાં તપાસ કરી રહી છે કે આ હથિયારો મહારાષ્ટ્રથી લાવવામાં આવ્યા હતા કે કેમ? અને આ હથિયારોનો ઉપયોગ અમદાવાદમાં કઈ મોટી ઘટનાને અંજામ આપવા માટે થવાનો હતો.
ક્રાઈમ બ્રાન્ચે આ મામલે આર્મ્સ એક્ટ હેઠળ ગુનો નોંધી વધુ તપાસ હાથ ધરી છે. શહેરમાં હથિયારોની આ હેરાફેરી પકડાતા ગુનેગારોમાં ફફડાટ વ્યાપી ગયો છે.
ક્રાઈમ બ્રાન્ચ : જમાલપુર બ્રિજ નીચેથી ‘રીક્ષા ગેંગ’ના ત્રણ સાગરીતો ઝડપાયા
Gujarat Police । લુખ્ખા તત્વોની ગુંડાગર્દી માટે પોલીસ જવાબદાર..? । Vimarsh ।
