💸 NEET રિફંડના તમારા પૈસા કોઈ બીજું તો નથી લઈ ગયું ને? સાયબર ક્રાઈમે ખોલ્યો ચોંકાવનારો રાઝ 🔍
અમદાવાદ: શિક્ષણ જગતમાં અત્યારે NEET પરીક્ષાને લઈને અનેક ચર્ચાઓ ચાલી રહી છે, ત્યારે વધુ એક ચોંકાવનારો કિસ્સો સામે આવ્યો છે. NEET પરીક્ષા આપનાર વિદ્યાર્થીઓના રિફંડના નાણાં પોતાના ખાતામાં ટ્રાન્સફર કરવાનું પૂર્વ આયોજિત કાવતરું અમદાવાદ સાયબર ક્રાઈમ બ્રાન્ચે નિષ્ફળ બનાવ્યું છે., આ કેસમાં પોલીસે બિહારના ગયા જિલ્લામાંથી એક 19 વર્ષના બી.એસ.સી.ના વિદ્યાર્થીની ધરપકડ કરી છે.
શું હતી આખી ઘટના? 🔍
અમદાવાદ સાયબર ક્રાઈમ બ્રાન્ચને ફરિયાદ મળી હતી કે, NEET UG-2024 ના પોર્ટલ પર કોઈ અજાણ્યા વ્યક્તિએ અનધિકૃત રીતે લોગિન કરીને વિદ્યાર્થીની બેંક વિગતો બદલી નાખી છે. તપાસમાં બહાર આવ્યું કે આરોપી નવીનકુમાર શંકર પ્રસાદ યાદવે કુલ 350 જેટલા વિદ્યાર્થીઓના એકાઉન્ટને ટાર્ગેટ કર્યા હતા.
NEET : કેવી રીતે કરતો હતો છેતરપિંડી? (મોડસ ઓપરેન્ડી) 💻
આરોપી નવીનકુમારની ચોરી કરવાની રીત જાણીને તમે પણ હેરાન રહી જશો. તેણે જોયું કે ઘણા વિદ્યાર્થીઓના પાસવર્ડ ખૂબ જ ‘નબળા’ (Weak Passwords) હતા. તેણે ‘બ્રુટફોર્સ અટેક’ (Brute Force Attack) નામની ટેકનિકનો ઉપયોગ કરીને 150 જેટલા વિદ્યાર્થીઓના પાસવર્ડ ક્રેક કરી નાખ્યા. એકવાર એકાઉન્ટમાં ઘૂસ્યા પછી, તેણે વિદ્યાર્થીઓની સાચી બેંક વિગતો હટાવી પોતાની બેંક વિગતો ભરી દીધી, જેથી રિફંડના પૈસા સીધા તેના ખાતામાં જમા થાય.
ટેકનોલોજીની મદદથી ઠગ પકડાયો 🚔
નેશનલ ટેસ્ટિંગ એજન્સી (NTA) ના ચીફ ઇન્ફોર્મેશન સિક્યુરિટી ઓફિસર (CISO) એ આ ગંભીર ગુનાની તપાસમાં મદદ કરી હતી. પોર્ટલના સિક્યુરિટી ફીચર્સ દ્વારા જનરેટ થયેલા ‘ડિજિટલ ફૂટપ્રિન્ટ્સ’ ના આધારે સાયબર ક્રાઈમે આરોપીનું લોકેશન ટ્રેસ કર્યું અને બિહાર જઈને તેને દબોચી લીધો.,
વિદ્યાર્થીઓ અને વાલીઓ માટે ખાસ સલાહ ⚠️
આ ઘટના બાદ સાયબર ક્રાઈમ બ્રાન્ચે કેટલીક મહત્વપૂર્ણ ટીપ્સ આપી છે જે દરેક ઓનલાઈન યુઝરે સમજવી જરૂરી છે:
- મજબૂત પાસવર્ડ રાખો: હંમેશા કેપિટલ લેટર, સ્મોલ લેટર, આંકડા અને સ્પેશિયલ કેરેક્ટર (@, #, $) વાળો પાસવર્ડ બનાવો.
- ભૂલ ના કરશો: પોતાનો મોબાઈલ નંબર, જન્મતારીખ કે ‘123456’ જેવો સરળ પાસવર્ડ રાખવાનું ટાળો.
- માહિતી છુપાવો: તમારા એકાઉન્ટની વિગતો કે OTP ક્યારેય કોઈની સાથે શેર ન કરો.
- સત્તાવાર વેબસાઈટ જ વાપરો: રિફંડ કે અન્ય માહિતી માટે હંમેશા
www.nta.ac.inઅથવાhttps://neet.nta.nic.in/નો જ ઉપયોગ કરો.
આ કિસ્સો આપણને યાદ અપાવે છે કે સાયબર સુરક્ષામાં જાગૃતિ જ સૌથી મોટું શસ્ત્ર છે.
RE NEET : પેપરના નામે ખેલ: અમદાવાદ સાયબર ક્રાઈમે રાજસ્થાનના ઠગોને દબોચ્યા
