
🔥 Gujarat : 60 વર્ષથી વધુ સમય પછી રચાયો ઐતિહાસિક ઇતિહાસ
Gujarat : ગુજરાતના ઊર્જા ક્ષેત્રે આજે એક નવો અને સુવર્ણ સૂર્યોદય થયો છે. છેલ્લા છ દાયકાથી વધુ સમયના લાંબા વિરામ બાદ ગુજરાતની ધરતી પર નવા ન્યુક્લિયર પાવર પ્રોજેક્ટના મંડાણ થવા જઈ રહ્યા છે. રાજ્યની ઊર્જા સુરક્ષાને વધુ મજબૂત બનાવવાની અને સ્વચ્છ વીજળીના વિકાસને વેગ આપવાના ઉદ્દેશ્યથી ગુજરાત સરકારે ઐતિહાસિક પગલું ભર્યું છે. આ દિશામાં ગુજરાત સ્ટેટ ઇલેક્ટ્રિસિટી કોર્પોરેશન લિમિટેડ (GSECL) અને ન્યુક્લિયર પાવર કોર્પોરેશન ઑફ ઇન્ડિયા લિમિટેડ (NPCIL) વચ્ચે સમજૂતી કરાર (MoU) પર હસ્તાક્ષર કરવામાં આવ્યા છે.
💼 GSECL ની પ્રથમ એન્ટ્રી અને ધુવારણમાં 1 લાખ કરોડનું રોકાણ
Gujarat : આ ઐતિહાસિક સમજૂતીની સૌથી મહત્વપૂર્ણ વિશેષતા એ છે કે ગુજરાત સરકારની વીજ ઉત્પાદન કંપની GSECL પ્રથમવાર ન્યુક્લિયર પાવર ક્ષેત્રમાં પ્રવેશ કરી રહી છે. આ મહાકાય પ્રોજેક્ટ આણંદ જિલ્લાના ધુવારણ ખાતે આકાર લેશે. આ પ્રોજેક્ટ દ્વારા રાજ્યમાં આશરે રૂ. 1 લાખ કરોડનું જંગી મૂડીરોકાણ આવવાની શક્યતા છે. આટલા મોટા રોકાણથી સ્થાનિક અર્થતંત્રને નવી ઊર્જા મળશે તેમજ રોજગારી અને ઔદ્યોગિક વિકાસના અસંખ્ય નવા દ્વાર ખુલશે.





⚡ 4000 મેગાવોટની વીજળી અને 24×7 સ્થિર ગ્રીડ સપોર્ટ
Gujarat : આ પ્રોજેક્ટ સાકાર થતાં ગુજરાતની કુલ વીજ ઉત્પાદન ક્ષમતામાં આશરે 4000 મેગાવોટ (MW) નો તોતિંગ વધારો થશે. ગુજરાતે વર્ષ 2030 સુધીમાં 100 ગીગાવોટથી વધુ નવીનીકરણીય ઊર્જા (સોલાર અને વિન્ડ) ક્ષમતા સ્થાપવાનો સંકલ્પ કર્યો છે. પરંતુ સૌર અને પવન ઊર્જા કુદરતી પરિબળો પર આધારિત હોવાથી વીજ ગ્રીડની સ્થિરતા જાળવવા માટે સતત અને વિશ્વસનીય વીજળી પૂરી પાડતા સ્રોતની જરૂર રહે છે. ન્યુક્લિયર ઊર્જા આ નવીનીકરણીય ઊર્જાને પૂરક બનીને ચોવીસે કલાક સ્થિર ‘બેઝલોડ’ વીજ સપ્લાય સુનિશ્ચિત કરશે.
📜 ‘શાંતિ એક્ટ, 2025’ હેઠળ થશે કડક સુરક્ષા સાથે નિર્માણ
Gujarat : આ સમગ્ર પરમાણુ પ્રોજેક્ટનું સંચાલન નવા સુરક્ષા કાયદા ‘શાંતિ એક્ટ, 2025’ ની જોગવાઈઓ અન્વયે થશે, જેના નિયમો તાજેતરમાં 14 ઑગસ્ટ 2026ના રોજ પ્રકાશિત કરાયા છે. આ કાયદા હેઠળ પરમાણુ પ્લાન્ટનું નિર્માણ, ઇંધણ ઉત્પાદન અને સામગ્રીનું સંચાલન માત્ર કેન્દ્ર સરકાર દ્વારા મંજૂર કરાયેલી કંપનીઓ અથવા સંયુક્ત સાહસો જ કરી શકશે. આ કરાર હેઠળ GSECL જમીન તથા ઇન્ફ્રાસ્ટ્રક્ચરનું મૂલ્યાંકન કરશે, જ્યારે NPCIL ટેકનિકલ સર્વે અને માર્ગદર્શન પૂરું પાડશે.
🎯 ગ્રીન ગુજરાતથી ‘વિકસિત ભારત’નો સંકલ્પ
Gujarat : વડાપ્રધાન નરેન્દ્રભાઈ મોદીના નેતૃત્વ તથા મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના માર્ગદર્શન હેઠળ આ સિદ્ધિ હાંસલ થઈ છે. ઊર્જા મંત્રી ઋષિકેશ પટેલ, ઊર્જા અગ્રસચિવ અશ્વિની કુમાર અને NPCIL ના ચેરમેન વી. રાજેશની ઉપસ્થિતિમાં આ કરાર સંપન્ન થયા હતા. આ પહેલથી કાર્બન ઉત્સર્જન ઘટીને ભારતનો ‘નેટ ઝીરો’ લક્ષ્યાંક મજબૂત બનશે અને “વિકસિત ગુજરાતથી વિકસિત ભારત” નો સંકલ્પ સાકાર થશે.
- Gujarat : હાઈવેના ઢાબાથી લઈને શહેરની રેસ્ટોરન્ટ સુધી… ગુજરાત સરકારનું ‘ઓપરેશન હેલ્થ’
- Girnar Lili Parikrama : લીલી પરિક્રમા માટે શું છે આ વખતે ખાસ વ્યવસ્થા?
- Ice Cream vs Frozen Dessert : ગુજરાતમાં ‘ઓપરેશન હેલ્થ’ શરૂ! હવે આઈસ્ક્રીમ ખરીદતા પહેલાં જરૂર તપાસજો!
- Dholera : નવું સ્માર્ટ સિટી તૈયાર થઈ રહ્યું છે? ધોલેરામાં 42 રૂમનું ગેસ્ટ હાઉસ અને 50 ટેન્ટની સિટી!
- Gujarat : ગુજરાત પોલીસની નજર હવે ડ્રગ્સના મૂળ સુધી! DGP ની અધ્યક્ષતામાં ગાંધીનગરમાં ઉચ્ચસ્તરીય બેઠક

Ahmedabad : અમદાવાદ બનશે ‘Zero Fatality District’? અકસ્માત મોત રોકવા સરકારનો મોટો પ્લાન
