🚨 Ahmedabad Civil Hospital : કાળજાળ જોખમ વચ્ચે ૫ વર્ષના ભાઈ સાથે રમતી બાળકી બની અકસ્માતનો ભોગ
Ahmedabad Civil Hospital : કચ્છના એક શ્રમિક દંપતી માટે ૨૯ ઓક્ટોબરની સવાર કાળઝાળ ચિંતા લઈને આવી હતી. ઘર આંગણે પોતાના ૫ વર્ષના મોટા ભાઈ સાથે રમી રહેલી ૩ વર્ષની કાળજાના ટુકડા જેવી બાળકી અચાનક અકસ્માતે તીક્ષ્ણ કાતર વાગવાથી ગંભીર રીતે ઈજાગ્રસ્ત થઈ હતી. રમતા રમતા કાતર બાળકીની છાતીના ભાગે ઘૂસી ગઈ હતી. તબીબી ભાષામાં જેને ‘પેનિટ્રેટિંગ ચેસ્ટ ટ્રોમા’ કહેવાય છે, તેવી અત્યંત નાજુક અને ગંભીર ઈજા બાળકીને પહોંચી હતી. ઘટના બાદ તરત જ પરિવારે સહેજ પણ હિંમત ગુમાવ્યા વગર બાળકીની જિંદગી બચાવવા દોડધામ શરૂ કરી દીધી હતી.
🏥 સમય સામેની રેસ: કચ્છથી ગાંધીધામ અને મોડી રાત્રે અમદાવાદ સિવિલ સુધીનો શ્વાસ અધ્ધર કરતો સફર
Ahmedabad Civil Hospital : ઘટના ૨૯ ઓક્ટોબરે સવારે આશરે ૧૧ વાગ્યાની આસપાસ બની હતી. પરિવારે બાળકીને તાત્કાલિક સ્થાનિક ખાનગી હોસ્પિટલમાં પહોંચાડી હતી, પરંતુ ઈજાની ગંભીરતા જોતા વધુ સારવાર માટે રીફર કરવાની જરૂરિયાત ઊભી થઈ હતી. ત્યારબાદ ગાંધીધામની ખાનગી હોસ્પિટલમાં સીટી સ્કેન કરવામાં આવ્યું. પરિસ્થિતિ અત્યંત ગંભીર હોવાથી ૨૯ ઓક્ટોબરના રોજ જ રાત્રે ૧૦ વાગે બાળકીને અમદાવાદની સિવિલ હોસ્પિટલ ખાતે લાવવામાં આવી હતી.
🩺 કૌશલ્ય અને સમર્પણ: ડૉ. રાકેશ જોષી અને ટીમની સફળ સર્જરી
Ahmedabad Civil Hospital : સિવિલ હોસ્પિટલ પહોંચતા જ એક ક્ષણનો પણ વિલંબ કર્યા વગર બાળકીને તુરંત સર્જરી માટે લેવામાં આવી હતી. પેડિયાટ્રિક સર્જરી વિભાગના પ્રોફેસર અને હેડ ડૉ. રાકેશ જોષીના માર્ગદર્શન હેઠળ, આસિસ્ટન્ટ પ્રોફેસર ડૉ. કાશ્વી અને આસિસ્ટન્ટ પ્રોફેસર ડૉ. મૃણાલિનીના નેતૃત્વમાં એનેસ્થેટિસ્ટ અને ડોક્ટરોની ટીમે યુદ્ધના ધોરણે જટિલ ઓપરેશન પાર પાડ્યું હતું. તબીબોની કુશળતાથી માસૂમની છાતીમાંથી કાતર સફળતાપૂર્વક બહાર કાઢી લેવાઈ હતી. ઓપરેશન બાદ બાળકી હાલમાં સંપૂર્ણપણે સ્થિર છે અને તેને ટૂંક સમયમાં રજા આપવામાં આવનાર છે.
⚠️ જો કાતર ૧ ઇંચ પણ ખસી હોત તો…! તબીબોનું ચોંકાવનારું વિશ્લેષણ
Ahmedabad Civil Hospital : તબીબી નિષ્ણાતોના જણાવ્યા મુજબ, આ કેસમાં કાળ અને સંજોગ બાળકીની પડખે રહ્યા હતા. જો આ કાતર માત્ર એક ઇંચ પણ ઉપર કે સાઇડ પર ગઈ હોત, તો તે શ્વાસનળીને ઈજા પહોંચાડી શકત અથવા ફેફસાં અને બે પાંસળીઓ વચ્ચે નુકસાન પહોંચાડીને ભારે રક્તસ્ત્રાવ સર્જી શકત. બાળકીની ઉંમર નાની હોવાના કારણે ફોર્સ ઓછો લાગ્યો હતો, જેથી કાતર હાડકાને ક્રોસ કરી શકી નહોતી. જો કાતર વધુ અંદર ઘૂસીને હાડકાને ભેદી ગઈ હોત તો ધોરી નસો અને શ્વાસનળીને ગંભીર નુકસાન પહોંચી શકત અને સ્થિતિ જીવલેણ બની શકી હોત.
👨👩👧👦 વાલીઓ માટે લાલ બત્તી: નાના બાળકો પર સતત નજર રાખવી જરૂરી
Ahmedabad Civil Hospital : સિવિલ હોસ્પિટલના તબીબી અધીક્ષક ડૉ. રાકેશ જોષીએ તમામ માતા-પિતા માટે એક મહત્વપૂર્ણ સલાહ આપી છે. તેમણે જણાવ્યું કે, વાલીઓએ ખાસ ધ્યાન રાખવું જોઈએ કે તેમના નાના બાળકો શાનાથી રમે છે. ૫ વર્ષના અબુધ બાળકને અજાણતા ખબર હોતી નથી કે ધારદાર વસ્તુઓ કેટલી નુકસાનકારક હોઈ શકે છે. જો બાળકને અચાનક શ્વાસ લેવામાં તકલીફ જણાય તો સત્વરે તબીબી માર્ગદર્શન મેળવવું જોઈએ.
Ahmedabad Police : દિવાળીની ભીડમાં મોબાઈલ ચોરતી ગેંગનો પર્દાફાશ! 52 ફોન સાથે બે શખ્સો ઝડપાયા
