Gujarat : મુશ્કેલીમાં મહિલાઓ ક્યાં જાય? ગુજરાતના ‘સખી’ કેન્દ્રમાં મળે છે આ મદદ

🚨 Gujarat : મુશ્કેલીના સમયે ગુજરાતની મહિલાઓ માટે કયું સેન્ટર બન્યું ‘અભય વરદાન’? 🛡️

Gujarat : સંકટના સમયે જ્યારે કોઈ રસ્તો ન દેખાય, ત્યારે આશાનું એક કિરણ જિંદગી બદલી નાખે છે. ગુજરાતમાં વિપરીત પરિસ્થિતિઓ અને હિંસાનો સામનો કરી રહેલી મહિલાઓ માટે ‘સખી વન સ્ટોપ સેન્ટર’ આવી જ એક મજબૂત દીવાદાંડી સાબિત થઈ રહ્યું છે. ઓગસ્ટ 2016માં ભારત સરકારના મહિલા અને બાળ વિકાસ મંત્રાલય દ્વારા શરૂ કરાયેલી આ યોજના મહિલાઓની સુરક્ષા અને સંભાળ માટે ચાવીરૂપ ભૂમિકા ભજવી રહી છે.

🏢 34 જિલ્લાઓમાં 24 કલાક કાર્યરત 36 કેન્દ્રો ⏱️

Gujarat : રાજ્યમાં પ્રધાનમંત્રીના માર્ગદર્શન અને મુખ્યમંત્રીના નેતૃત્વ હેઠળ મહિલા અને બાળ વિકાસ વિભાગ દ્વારા સંચાલિત આ વ્યવસ્થા અંતર્ગત હાલમાં 34 જિલ્લાઓમાં 36 સખી વન સ્ટોપ સેન્ટર દિવસ-રાત એટલે કે 24 કલાક કાર્યરત છે. વર્ષ 2017થી લઈને સપ્ટેમ્બર 2026 સુધીના ઉપલબ્ધ આંકડા અનુસાર, અત્યાર સુધીમાં સમગ્ર રાજ્યમાં 53,851 જેટલી મહિલાઓને આ કેન્દ્રો મારફતે સીધો સહારો અને જરૂરી મદદ પૂરી પાડવામાં આવી છે.

🏥 એક જ છત્ર હેઠળ તમામ જરૂરી સહાય 🤝

Gujarat : હિંસાથી પીડિત મહિલાઓ કે કિશોરીઓને અલગ-અલગ સરકારી કચેરીઓના ધક્કા ન ખાવા પડે તેવા ઉદ્દેશથી આ વ્યવસ્થા ઊભી કરાઈ છે. પરિવાર, કાર્યસ્થળ, સમુદાય કે જાહેર સ્થળે હિંસાનો ભોગ બનેલી મહિલાઓને એક જ સ્થળેથી વિવિધ સેવાઓ ઉપલબ્ધ કરાવાય છે. આ કેન્દ્રોમાં મળતી મુખ્ય સહાય:

• 🏠 તાત્કાલિક આશ્રય: 29,351 મહિલાઓને સલામત આશ્રય આપવામાં આવ્યો.
• ⚕️ તબીબી સેવાઓ: 8,527 મહિલાઓને તબીબી સારવાર પૂરી પાડવામાં આવી.
• ⚖️ કાયદાકીય સલાહ: 7,617 મહિલાઓને કાનૂની સેવાઓ આપવામાં આવી.
• 👮 પોલીસ સહાય: 4,706 મહિલાઓને તાત્કાલિક પોલીસ સુરક્ષા મળી.

📹 આધુનિક સુવિધા અને ઇમરજન્સી રિસ્પોન્સ 🆘

Gujarat : આ કેન્દ્રોમાં કટોકટીની સ્થિતિ માટે ઇમરજન્સી રિસ્પોન્સ અને રેસ્ક્યુ સેવાઓ ઉપરાંત વીડિયો કોન્ફરન્સિંગની પણ આધુનિક સુવિધા ઉપલબ્ધ કરાવવામાં આવે છે. આ વ્યવસ્થા મુશ્કેલીમાં મુકાયેલી મહિલાઓ માટે ખરા અર્થમાં એક ભરોસાપાત્ર સુરક્ષા કવચ બનીને ઉભરી આવી છે.

Regime Change : ‘રેજીમ ચેન્જ’નું ફ્લોપ નાટક: બાંગ્લાદેશી અરાજકતાથી ભારતમાં સત્તા હડપવાનો વિપક્ષી પ્લાન..?