ક્રાઈમખબરફટાફટ ન્યૂઝ

Blood Plasma Scam : સારા પ્લાઝમામાં સેલાઇન ભેળવી કરોડોનો ખેલ? મહારાષ્ટ્રની 8 બ્લડ બેન્ક તપાસના ઘેરામાં

📌 Blood Plasma Scam : અમદાવાદ ગ્રામ્ય SOGનો ચોંકાવનારો ખુલાસો, 1,140 પ્લાઝમા યુનિટ માનવ જીવન માટે જોખમી હોવાનું રિપોર્ટમાં સામે આવ્યું

Blood Plasma Scam

અમદાવાદ ગ્રામ્ય સ્પેશિયલ ઓપરેશન ગ્રુપ (SOG) દ્વારા બ્લડ પ્લાઝમા કૌભાંડ મામલે વધુ એક મોટો ખુલાસો કરવામાં આવ્યો છે. પોલીસના જણાવ્યા મુજબ મુખ્ય આરોપી દિનેશ ચૌધરીએ ઉચ્ચ ગુણવત્તાવાળા બ્લડ પ્લાઝમામાંથી થોડો પ્લાઝમા કાઢીને તેની જગ્યાએ સેલાઇન વોટર ભેળવી પ્લાઝમાની માત્રા યથાવત રાખી હતી. આ રીતે ગુણવત્તામાં ઘટાડો કરીને કંપનીઓને ભેળસેળયુક્ત પ્લાઝમા સપ્લાય કરવામાં આવતું હોવાનો આરોપ છે.

🔍 Blood Plasma Scam : સારો પ્લાઝમા મહારાષ્ટ્ર મોકલાયો, 8 બ્લડ બેન્કો તપાસ હેઠળ

Blood Plasma Scam : પોલીસના જણાવ્યા મુજબ આરોપીએ સારી ગુણવત્તાવાળો પ્લાઝમા મહારાષ્ટ્રની વિવિધ બ્લડ બેન્કો મારફતે અન્ય ફાર્મા કંપનીઓ સુધી પહોંચાડ્યો હતો. હાલ વાશીમ, જાલના, અહેમદનગર, ધુલે, નાશિક, ભુસાવલ અને છત્રપતિ સંભાજીનગરની કુલ 8 બ્લડ બેન્કો અને તેમના સંચાલકોની ભૂમિકા અંગે તપાસ ચાલી રહી છે.

તપાસ હેઠળ આવેલી બ્લડ બેન્કો

  • વાશીમ બ્લડ બેન્ક – વાશીમ
  • શ્રી ગજાનંદ બ્લડ બેન્ક – વાશીમ
  • અહેમદનગર બ્લડ બેન્ક – અહેમદનગર
  • જીવનજ્યોત બ્લડ બેન્ક – ધુલે
  • સંજીવની બ્લડ બેન્ક – નાશિક
  • ધન્વંતરી બ્લડ બેન્ક – ભુસાવલ
  • લાયન્સ બ્લડ બેન્ક – છત્રપતિ સંભાજીનગર
  • જાલના બ્લડ બેન્ક – જાલના

⚠️ 1,140 પ્લાઝમા યુનિટ ભેળસેળયુક્ત, B.J. મેડિકલનો રિપોર્ટ ચોંકાવનારો

Blood Plasma Scam : પોલીસે આરોપીના ઘરેથી કબજે કરેલા 1,140 બ્લડ પ્લાઝમા યુનિટ અંગે B.J. મેડિકલ કોલેજના પેથોલોજી વિભાગે આપેલા રિપોર્ટમાં જણાવ્યું છે કે આ પ્લાઝમા ભેળસેળયુક્ત અને નીચી ગુણવત્તાવાળો છે. ફૂડ એન્ડ ડ્રગ્સના સ્ટાન્ડર્ડ નોર્મ્સ મુજબ આ પ્લાઝમા સ્વીકાર્ય નથી અને તેનો ઉપયોગ માનવ જીવન માટે જોખમી બની શકે છે. હવે આ સમગ્ર જથ્થાનો નાશ કરવાની પ્રક્રિયા હાથ ધરવામાં આવશે.

🏥 અનેક વિભાગો મળીને તપાસમાં જોડાયા

Blood Plasma Scam : આ સમગ્ર કેસની તપાસમાં ફૂડ એન્ડ ડ્રગ્સ વિભાગ, ગુજરાત સ્ટેટ કાઉન્સિલ ફોર બ્લડ ટ્રાન્સફ્યુઝન અને આરોગ્ય વિભાગ સહિત વિવિધ એજન્સીઓ જોડાઈ છે. બ્લડ બેન્ક શરૂ કરવાની પ્રક્રિયા, લાયસન્સ, ફાર્મા કંપનીઓ સાથેના પ્લાઝમા ખરીદ-વેચાણના નિયમો અને આરોપીઓએ કઈ કાનૂની ખામીઓનો લાભ લીધો તેની પણ ઊંડાણપૂર્વક તપાસ થઈ રહી છે. ભવિષ્યમાં આવી ઘટના ફરી ન બને તે માટે નવી SOP તૈયાર કરવાની પ્રક્રિયા પણ હાથ ધરવામાં આવી રહી છે.

✅ Blood Plasma Scam : ગુજરાત માટે રાહતના સમાચાર

અમદાવાદ ગ્રામ્ય SOGએ સ્પષ્ટ કર્યું છે કે અત્યાર સુધીની તપાસમાં ગુજરાતની કોઈ હોસ્પિટલ અથવા બ્લડ બેન્કમાં ભેળસેળયુક્ત પ્લાઝમા સપ્લાય થયો હોવાના પુરાવા મળ્યા નથી. તેમ છતાં સમગ્ર નેટવર્કની તપાસ હજુ ચાલુ છે અને આગામી દિવસોમાં વધુ ખુલાસા થવાની શક્યતા વ્યક્ત કરવામાં આવી રહી છે.

US Iran : સમુદ્રમાં હથિયારો હેઠા મૂકાયા: અમેરિકા-ઈરાન વચ્ચે મધ્યસ્થી કરાવતું કતર

Ad p

Related posts

India Bangladesh : 1996ની ગંગા જળ સંધિનો અંત! ભારત સામે અડપલાં કરતાં બાંગ્લાદેશ પર તોળાતું મહાસંકટ

SAHAJANAND RAJPUT

Gujarat : 50,000 યુવાનો માટે રોજગારીના દ્વારા ખૂલ્યા, ગુજરાતમાં શરૂ થઈ સેમિકન્ડક્ટર ક્રાંતિ

SAHAJANAND RAJPUT

પોલીસ પ્રજાનો મિત્ર : સૂત્રને સાર્થક કરતી સરખેજ પોલીસ: થેલેસેમિયાગ્રસ્ત બાળકો માટે ૧૬૭ બોટલ રક્ત એકત્રિત કર્યું

SAHAJANAND RAJPUT

Leave a Comment