અમદાવાદ ગ્રામ્ય પોલીસનો મોટો સપાટો: સાણંદ અને વિરમગામમાં આતંક મચાવતી ડફેર ગેંગના ૩ રીઢા સાગરીતોને દબોચી લેતી LCB 🚔💥
😱 આજીવન કેદની સજા છતાં આચરતો હતો ગુના! જાણો અમદાવાદ ગ્રામ્ય પોલીસે કેવી રીતે દબોચી ડફેર ગેંગને. 🕵️♂️
અમદાવાદ : છેલ્લા ઘણા સમયથી અમદાવાદ ગ્રામ્યના સાણંદ અને વિરમગામ વિસ્તારમાં ઘરફોડ ચોરી અને વાહન ચોરીના બનાવોમાં નોંધપાત્ર વધારો જોવા મળ્યો હતો. આ વણઉકેલાયેલા ગુનાઓને ઝડપથી ઉકેલવા માટે પોલીસ મહાનિરીક્ષક રાઘવેન્દ્ર વત્સ અને અમદાવાદ ગ્રામ્ય પોલીસ અધિક્ષક ઓમ પ્રકાશ જાટ દ્વારા કડક સૂચનાઓ આપવામાં આવી હતી. જેના પગલે અમદાવાદ ગ્રામ્યની એલ.સી.બી. (LCB) શાખાએ એક્શન પ્લાન તૈયાર કર્યો હતો.
અમદાવાદ : પોલીસનું ઓપરેશન અને સફળતા 🕵️♂️
પોલીસ ઇન્સ્પેક્ટર આર.એન. કરમટીયાના માર્ગદર્શન હેઠળ પો.સ.ઇ. આર.બી. રાઠોડ અને તેમની ટીમે અલગ-અલગ ટુકડીઓ બનાવી તપાસનો ધમધમાટ તેજ કર્યો હતો. આ તપાસ દરમિયાન ASI જયદીપસિંહ વાઘેલા અને ASI રાજુજી ઠાકોરને ચોક્કસ બાતમી મળી હતી કે ડફેર ગેંગના અમુક શખ્સો ચોરીના મુદ્દામાલ સાથે ફરી રહ્યા છે.
ટેકનિકલ સર્વેલન્સ અને બાતમીદારોની મદદથી પોલીસે જાળ બિછાવી ૩ રીઢા આરોપીઓને ઝડપી પાડ્યા છે. આ ધરપકડની સાથે જ કુલ ૯ જેટલા વણઉકેલાયેલા ગુનાઓનો ભેદ ઉકેલી નાખવામાં આવ્યો છે.
આરોપીઓની કુંડળી: આજીવન કેદનો ગુનેગાર પણ સામેલ! 😱
ઝડપાયેલા આરોપીઓમાં સૌથી કુખ્યાત હનીફ ઉર્ફે વાંઢો સિંધી (ડફેર) છે, જેની વિરુદ્ધ અગાઉ લૂંટ અને બળાત્કારના ગુનામાં આજીવન કેદની સજા પણ થયેલી છે. તેની સાથે હુસેન ઉર્ફે કટીયો ડફેર અને જાવેદ ઉર્ફે ભયલો ડફેરની પણ ધરપકડ કરવામાં આવી છે. આ ગેંગ વિરુદ્ધ વિરમગામ, સાણંદ, કડી અને કલોલ વિસ્તારમાં અનેક ગુનાઓ નોંધાયેલા છે.
ચોરીની ચોંકાવનારી કબૂલાત ⛓️ પૂછપરછ
દરમિયાન ગેંગે કબૂલાત કરી હતી કે આશરે ૧૦ મહિના પહેલા વરખડીયા ગામની સીમમાં કેનાલ પાસે સૂતેલા એક વ્યક્તિના ગળામાંથી સોનાની કંઠી અને મોબાઈલ ફોન પણ આ ગેંગે લૂંટ્યા હતા. આરોપીઓ પાસેથી પોલીસે કુલ ૧,૯૯,૦૯૧ રૂપિયાનો મુદ્દામાલ રિકવર કર્યો છે, જેમાં ચોરીના ૩ મોટરસાયકલ, ૨૭૩ ગ્રામ ચાંદીના દાગીના, ૪ મોબાઈલ ફોન અને રોકડ રકમનો સમાવેશ થાય છે.
અમદાવાદ ગ્રામ્ય પોલીસની આ મોટી સફળતાને કારણે સ્થાનિક રહીશોમાં સુરક્ષાનો વિશ્વાસ વધ્યો છે. હાલ પોલીસ આ ગેંગના અન્ય કોઈ સાગરીતો કે ગુનાઓ અંગે વધુ તપાસ ચલાવી રહી છે.
રાજકોટ : વિધર્મી હેડ કોન્સ્ટેબલે મા-દીકરીની ઈજ્જત લૂંટી, પોલીસે ગણતરીના કલાકોમાં ઝડપ્યો
