🚔 અમદાવાદ ક્રાઈમ બ્રાન્ચનો મોટો સપાટો: નિકોલમાં બંધ મકાનને નિશાન બનાવનાર ‘અજ્જુ’ ઝડપાયો, 7 લાખથી વધુનો મુદ્દામાલ રિકવર!
અમદાવાદ : શહેરમાં કાયદો અને વ્યવસ્થા જળવાઈ રહે તે માટે પોલીસ સતત કાર્યરત છે, ત્યારે અમદાવાદ ક્રાઈમ બ્રાન્ચે નિકોલ વિસ્તારમાં થયેલી એક મોટી ઘરફોડ ચોરીનો ભેદ ઉકેલી નાખ્યો છે. પોલીસની બાજ નજરે આ ગુનામાં સંડોવાયેલા એક શાતિર આરોપીને લાખો રૂપિયાના મુદ્દામાલ સાથે દબોચી લીધો છે.
અમદાવાદ : શું હતો સમગ્ર મામલો? 🏠🔍
નિકોલ પોલીસ સ્ટેશન વિસ્તારમાં આવેલી એક સોસાયટીમાં બંધ મકાનને નિશાન બનાવી તસ્કરોએ રોકડ અને કિંમતી ઘરેણાંની ચોરી કરી હતી. આ મામલે તપાસ કરી રહેલી અમદાવાદ ક્રાઈમ બ્રાન્ચે ટેકનિકલ સર્વેલન્સ અને હ્યુમન ઇન્ટેલિજન્સની મદદથી સુરતના એક રીઢા ગુનેગારને ઝડપી પાડ્યો છે.
7.14 લાખનો મુદ્દામાલ રિકવર 💰✨ પોલીસે ધરપકડ કરાયેલા આરોપી પાસેથી કુલ રૂ. 7,14,784/- નો મુદ્દામાલ જપ્ત કર્યો છે. જેમાં:
- સોનાના દાગીના, સોનાના બિસ્કિટ અને ચાંદીના સિક્કા (કિંમત રૂ. 6,04,784/-)
- રોકડ રકમ રૂ. 1,00,000/-
- એક મોબાઈલ ફોન (કિંમત રૂ. 10,000/-)
કોણ છે આ શાતિર આરોપી? 👤⛓️
પકડાયેલ આરોપીનું નામ અમૃતસિંઘ ઉર્ફે અજ્જુ બબલુસિંઘ ચીકલીગર (ઉંમર 28 વર્ષ) છે, જે મૂળ સુરતના ડિંડોલી વિસ્તારનો રહેવાસી છે. આરોપી છૂટક મજૂરીના ઓથા હેઠળ ચોરીના ગુનાઓને અંજામ આપતો હતો.
ગુનાખોરીનો કાળો ઈતિહાસ: 28 જેટલા ગુના! 📜⚠️
આ કોઈ સામાન્ય ચોર નથી, પણ એક રીઢો ગુનેગાર છે. આરોપી અમૃતસિંઘ સામે સુરત, વડોદરા, ભરૂચ અને નર્મદા સહિતના જિલ્લાઓમાં ચોરી, ઘરફોડ ચોરી, અપહરણ અને બળાત્કાર જેવા ગંભીર 28 ગુનાઓ નોંધાયેલા છે. નિકોલ પોલીસે હવે આ આરોપીનો કબજો મેળવી વધુ તપાસ હાથ ધરી છે.
અમદાવાદ : રિક્ષામાં દાગીના સેરવી લેતી ગેંગ ઝડપાઈ, ૪.૨૧ લાખનો મુદ્દામાલ જપ્ત
