સાણંદમાં ‘રીક્ષા ગેંગ’નો આતંક ખતમ: વૃદ્ધોને લૂંટતી મહિલા સહિતની ટોળકી પાંજરે પુરાઈ, ૧૮ ગુના કરનારો સાગરીત પકડાયો, છરી બતાવી લૂંટનાર ગેંગને સાણંદ પોલીસે ગણતરીના કલાકોમાં ઝડપી લીધી
સાણંદ : સાણંદ પોલીસે એક એવી ખતરનાક ટોળકીને જેલના સળિયા પાછળ ધકેલી દીધી છે જે રિક્ષામાં પેસેન્જરના સ્વાંગમાં બેસીને નિર્દોષ વૃદ્ધોને પોતાનો શિકાર બનાવતી હતી. આ ગેંગે તાજેતરમાં જ એક વૃદ્ધને છરી બતાવી તેમના સોનાના બટન લૂંટી લીધા હતા, પરંતુ પોલીસની સતર્કતાને કારણે આખી ગેંગ હવે જેલ ભેગી થઈ છે.
🔪 સાણંદ : છરી બતાવી ખંખેરી લીધા હતા ૧ લાખના સોનાના બટન
ઘટનાની વિગત એવી છે કે ગત ૩૧ માર્ચ ૨૦૨૬ના રોજ એક વૃદ્ધ બા્ળા રોડ પરથી ચાલીને જઈ રહ્યા હતા. આ સમયે એક સી.એન.જી. રિક્ષા તેમની પાસે આવી હતી. રિક્ષામાં સવાર શખ્સોએ વૃદ્ધને રિક્ષામાં બેસાડ્યા અને થોડે દૂર જઈને અચાનક અસલી રૂપ બતાવ્યું હતું.
આરોપીઓએ વૃદ્ધને છરી બતાવી અને શરીરે ઢીંકા-પાટુનો માર મારીને તેમના શર્ટમાં લગાવેલા એક તોલાના સોનાના ૪ બટન (કિંમત આશરે રૂ. ૧,૦૦,૦૦૦/-) લૂંટીને ફરાર થઈ ગયા હતા.
🚔🎖️ સાણંદ પોલીસની બાહોશ ટીમની સરાહનીય કામગીરી
સાણંદ : આ ગંભીર ગુનાની જાણ થતા જ અમદાવાદ ગ્રામ્ય પોલીસ અધિક્ષક ઓમ પ્રકાશ જાટ અને સાણંદ ડીવાયએસપી નીલમ ગોસ્વામીના માર્ગદર્શન હેઠળ પીઆઈ બી.ટી. ગોહિલ અને તેમની સર્વેલન્સ ટીમે તપાસના ચક્રો ગતિમાન કર્યા હતા. આ સફળ ઓપરેશનમાં આ.પો.કો. કુલદીપસિંહ વજુભા (બ.નં. ૧૩૮) ને મળેલી સચોટ બાતમી કીમતી સાબિત થઈ હતી. હ્યુમન ઇન્ટેલિજન્સ અને ટેકનિકલ સોર્સની મદદથી પોલીસને ચોક્કસ બાતમી મળી હતી કે આ ગેંગ રિક્ષા લઈને ફરી રહી છે. પોલીસે ટ્રેપ ગોઠવીને ત્રણ પુરુષ અને એક મહિલા સહિત કુલ ૪ આરોપીઓને મુદ્દામાલ સાથે ઝડપી પાડ્યા છે.
🕵️♂️ જાણો કોણ છે આ રિક્ષા ગેંગના સભ્યો?
પોલીસે આ ગેંગ પાસેથી લૂંટમાં ગયેલા સોનાના બટન, રિક્ષા (નંબર GJ-01-TK-1346) અને ૫ મોબાઈલ ફોન સહિત કુલ રૂ. ૩,૧૧,૫૦૦/-નો મુદ્દામાલ કબજે કર્યો છે. પકડાયેલા આરોપીઓના નામ નીચે મુજબ છે:
- પ્રકાશ ઉર્ફે જાડિયો ઉર્ફે બટકો પટણી: આ શખ્સ ગેંગનો મુખ્ય સાગરીત છે અને તેની સામે અગાઉ ગાંધીનગર, પાટણ, સાબરમતી અને નારોડા સહિતના વિસ્તારોમાં ૧૮ જેટલા ગુના નોંધાયેલા છે.
- દિલીપ દેવુભાઇ જખવાડીયા: આ આરોપી પણ અગાઉ ગુનાહિત ઇતિહાસ ધરાવે છે.
- વિજયભાઇ ફૂલજીભાઇ પટણી: રહે. સરસપુર, અમદાવાદ.
- પુનમબેન જંદાડા: ગેંગની મહિલા સભ્ય, જે પેસેન્જર તરીકે બેસીને લોકોનો વિશ્વાસ જીતવાનું કામ કરતી હતી.
🚨 અન્ય ગુનાઓની પણ કબૂલાત
સાણંદ : પોલીસની કડક પૂછપરછમાં આ ગેંગે કબૂલાત કરી છે કે તેઓએ અગાઉ બાવળા પોલીસ સ્ટેશન વિસ્તારમાં પણ આ જ રીતે એક વ્યક્તિને નિશાન બનાવી રૂ. ૧૨,૦૦૦/- ની લૂંટ ચલાવી હતી. આ ગેંગ સંગઠિત રીતે ગુના આચરતી હોવાથી પોલીસે હવે તેમની વધુ તપાસ હાથ ધરી છે કે તેમણે અન્ય કેટલા વૃદ્ધોને નિશાન બનાવ્યા છે.
સાવચેતીનો સંદેશ: સાણંદ પોલીસની આ કામગીરીથી સીનીયર સીટીઝનોમાં રાહતની લાગણી ફેલાઈ છે, પરંતુ અજાણી રિક્ષામાં બેસતી વખતે અને અજાણ્યા પેસેન્જરો પર વિશ્વાસ કરતા પહેલા સાવચેત રહેવું ખૂબ જરૂરી છે.
LCB અમદાવાદ : સુતેલા ખેડૂતોના કાન કાપી દાગીના લૂંટતી ‘ક્રૂર ગેંગ’ ઝડપાઈ: અમદાવાદ ગ્રામ્ય LCBનો સપાટો
