યુસુફ પઠાણ મુશ્કેલીમાં: હાઈકોર્ટે પૂછ્યું- “પૈસા ચૂકવ્યા વગર પ્લોટ પર કબ્જો કેવી રીતે કર્યો?” 🏏🏛️
અમદાવાદ: ગુજરાતના જાણીતા પૂર્વ ક્રિકેટર અને તૃણમૂલ કોંગ્રેસના સાંસદ યુસુફ પઠાણ અત્યારે એક મોટી કાનૂની મુશ્કેલીમાં ફસાયા હોય તેવું લાગી રહ્યું છે. વડોદરામાં આવેલા 978 ચોરસ મીટરના એક સરકારી પ્લોટ પર કબ્જો કરવા બદલ ગુજરાત હાઈકોર્ટે તેમની કડક શબ્દોમાં ઝાટકણી કાઢી છે.
યુસુફ પઠાણ : શું છે આખો વિવાદ? 🤔
યુસુફ પઠાણ : વાત એમ છે કે વર્ષ 2012માં યુસુફ પઠાણે વડોદરા મ્યુનિસિપલ કોર્પોરેશન (VMC) પાસે આ પ્લોટની માંગણી કરી હતી. VMC એ હરાજી વગર જ આ પ્લોટ પઠાણને આપવાનો પ્રસ્તાવ રાજ્ય સરકારને મોકલ્યો હતો, પરંતુ રાજ્ય સરકારે આ પ્રસ્તાવ ફગાવી દીધો હતો. આમ છતાં, પઠાણે પ્લોટ પર કબ્જો જમાવી રાખ્યો હોવાનું સામે આવ્યું છે.
હાઈકોર્ટની આકરી ટિપ્પણીઓ ⚖️💥
મુખ્ય ન્યાયાધીશ સુનિતા અગ્રવાલ અને જસ્ટિસ ડી.એન. રાયની ખંડપીઠે સોમવારે સુનાવણી દરમિયાન પઠાણના વકીલને સણસણતા સવાલો પૂછ્યા:
- “તમે પ્લોટમાં ઘૂસ્યા જ કેવી રીતે?” કોર્ટે પૂછ્યું કે ફોર્માલિટી પૂરી કર્યા વગર કે એક રૂપિયો ચૂકવ્યા વગર તમે સરકારી જમીન પર કબ્જો કેવી રીતે કરી શકો?
- “આ ગુનો છે!” કોર્ટે સ્પષ્ટ કહ્યું કે સરકારી જમીન પર ફેન્સિંગ (વાડ) કરવી એ અતિક્રમણ છે અને તે એક ગુનો છે.
- “તપાસ થશે!” પઠાણે એવો બચાવ કર્યો કે કોર્પોરેશને તેમને ફેન્સિંગ કરવા કહ્યું હતું, જેના પર કોર્ટે કહ્યું કે જો આવું છે તો એ અધિકારીઓના નામ આપો, અમે તેમની સામે તપાસ કરીશું.
સેલિબ્રિટી હોવું એ છૂટછાટનું લાયસન્સ નથી! 🌟🚫
કોર્ટે ખૂબ જ મહત્વની વાત કહી કે યુસુફ પઠાણ એક આંતરરાષ્ટ્રીય ક્રિકેટર અને દેશભક્ત વ્યક્તિ છે, તેમની પાસે આવી અપેક્ષા ન રાખી શકાય. અગાઉ સિંગલ જજની બેન્ચે પણ નોંધ્યું હતું કે સેલિબ્રિટી સમાજ માટે રોલ મોડલ હોય છે અને જો તેઓ કાયદાનું પાલન ન કરે તો સમાજમાં ખોટો સંદેશ જાય છે.
યુસુફ પઠાણ : હવે આગળ શું થશે? ⏳
કોર્ટે સંકેત આપ્યા છે કે યુસુફ પઠાણે આ જમીન ખાલી કરવી પડશે અને જેટલા સમય સુધી પ્લોટ વાપર્યો તેનું ભાડું (નુકસાની) પણ બજાર ભાવે ચૂકવવું પડશે. હવે આ મામલાની વધુ સુનાવણી 15 જૂન ના રોજ થશે.
પશ્ચિમ બંગાળ : 4800ને સરહદ પાર મોકલાયા, ઘૂસણખોરો પર સર્જિકલ એક્શન
