Gujarat Police : ઓનલાઇન દુનિયામાં સુરક્ષાનું નવુ શસ્ત્ર : ગુજરાત પોલીસનું ‘ઓપરેશન સુરક્ષિત સાયબરસ્પેસ’ 🛡️
ગાંધીનગર: આજના સમયમાં જેટલું જોખમ રસ્તા પર ચાલતા નથી, તેનાથી વધુ જોખમ તમારા મોબાઈલની સ્ક્રીન પાછળ છુપાયેલું છે. ખાસ કરીને મહિલાઓ અને બાળકો સાયબર અપરાધીઓના સોફ્ટ ટાર્ગેટ બની રહ્યા છે. આ પરિસ્થિતિને ગંભીરતાથી લઈને ગુજરાત સરકાર અને રાજ્ય પોલીસ દ્વારા એક વિરાટ જુંબેશ છેડવામાં આવી છે, જેનું નામ છે ‘ઓપરેશન સુરક્ષિત સાયબરસ્પેસ’.
૧૪ દિવસમાં ૫,૦૦૦થી વધુ કાર્યક્રમો! 🚀
Gujarat Police : ગુજરાત પોલીસના આ ૨૮ દિવસના વિશેષ અભિયાનના પ્રથમ બે સપ્તાહમાં જ વિસ્ફોટક સફળતા મળી છે. રાજ્યના પોલીસ વડા શ્રી જી. એસ. મલિકના માર્ગદર્શન હેઠળ શી-ટીમ અને સાયબર સેલે મળીને રાજ્યભરમાં ૫,૨૮૯ જેટલા જાગૃતિ કાર્યક્રમો યોજ્યા છે. પોલીસનો ઉદ્દેશ્ય માત્ર ગુનેગારોને પકડવાનો જ નથી, પણ નાગરિકોને એટલા જાગૃત કરવાનો છે કે તેઓ ગુનાનો ભોગ જ ન બને.
ડીપફેક અને સેક્સટોર્શન સામે મોરચો 🛑
Gujarat Police : તકનીકી જેટલી આગળ વધી છે, ગુનેગારો પણ એટલા જ ચાલાક બન્યા છે. સીઆઈડી ક્રાઈમ મહિલા સેલના એડીજીપી શ્રી અજય ચૌધરીના જણાવ્યા અનુસાર, અત્યારે ડીપફેક અને સેક્સટોર્શન જેવા ગંભીર ગુનાઓ વધી રહ્યા છે. આ અભિયાનના બીજા સપ્તાહમાં ખાસ કરીને આ જોખમો પર ધ્યાન કેન્દ્રિત કરવામાં આવ્યું હતું, જેમાં ૩,૪૧૫ વિશેષ સત્રો યોજાયા હતા.
- સોશિયલ મીડિયા સુરક્ષા: ૭૪૩ કાર્યક્રમો
- ડીપફેક જાગૃતિ: ૫૭૮ કાર્યક્રમો
- સેક્સટોર્શન વિરોધી દિવસ: ૫૨૦ કાર્યક્રમો
- સાયબર સ્ટોકિંગ નિવારણ: ૫૧૪ કાર્યક્રમો
શાળા-કોલેજોમાં પણ પોલીસની એન્ટ્રી 🎓
Gujarat Police : માત્ર વાતો જ નહીં, પણ ગ્રાઉન્ડ લેવલ પર કામગીરી કરવામાં આવી છે. રાજ્યની શાળાઓમાં ૪૩૮ કાર્યક્રમો અને કોલેજોમાં ૨૦૭ કાર્યક્રમો યોજીને યુવાનોને સાયબર સુરક્ષાના પાઠ ભણાવવામાં આવ્યા છે. એટલું જ નહીં, વાલીઓ અને શિક્ષકોને પણ આ અભિયાનમાં જોડીને તેમને તાલીમ આપવામાં આવી છે.
પોલીસ અધિકારીઓનું પણ થશે ‘રિપોર્ટ કાર્ડ’ તૈયાર 📋
Gujarat Police : આ ઓપરેશનની એક ખાસ વાત એ છે કે તેમાં પોલીસ કર્મચારીઓ માટે પણ કડક નિયમો છે. કોન્સ્ટેબલથી લઈને ઇન્સ્પેક્ટર સુધીના તમામ અધિકારીઓનું મૂલ્યાંકન જાગૃતિ, નિવારણ, અમલીકરણ, તપાસની ગુણવત્તા અને જનવિશ્વાસ જેવા ૫ મુખ્ય માપદંડો પર કરવામાં આવશે. એટલે કે, પોલીસ હવે માત્ર કાગળ પર નહીં પણ ખરેખર જનતાની વચ્ચે જઈને કામ કરી રહી છે.
તમારે શું કરવાનું છે? 🤝
Gujarat Police : જો તમે અથવા તમારી આસપાસ કોઈ સાયબર ગુના કે ઓનલાઇન સતામણીનો ભોગ બને, તો ગભરાવાની જરૂર નથી. ગુજરાત પોલીસની સ્પષ્ટ અપીલ છે કે કોઈ પણ જાતના ડર વગર તાત્કાલિક રાષ્ટ્રીય સાયબર હેલ્પલાઇન નંબર ૧૯૩૦ પર સંપર્ક કરો.
