😱 પત્નીએ જ રચ્યું પતિના મોતનું કાવતરું! પ્રેમી સાથે મળી ટુવાલથી ગળું દબાવી કરી હત્યા 🔪
પ્રેમમાં આંધળી બનેલી પત્નીનું પાપ પ્રગટ્યું! પ્રેમીએ હાથ પકડ્યા અને પત્નીએ પતિનો જીવ લીધો 🚨🔪
સાણંદ : ગણાસર ગામમાં ખળભળાટ: પતિને પતાવી પત્ની પ્રેમી સાથે ફરાર થઈ, સાણંદ પોલીસે ગણતરીના કલાકોમાં જેલભેગા કર્યા 🤫🩸
અમદાવાદ જિલ્લાના સાણંદ તાલુકાના ગણાસર ગામમાં હૃદય કંપાવી દે તેવી એક ઘટના સામે આવી છે. એક પત્નીએ જ પોતાના પ્રેમી સાથે મળીને પોતાના પતિને મોતના ઘાટ ઉતારી દીધો હોવાની વિગતો બહાર આવી છે.
જોકે, સાણંદ પોલીસે પોતાની બાજ નજર અને કડક તપાસના કારણે ગણતરીના કલાકોમાં જ આ મર્ડર મિસ્ટ્રીનો ભેદ ઉકેલી નાખ્યો છે અને આરોપીઓને જેલના સળિયા પાછળ ધકેલી દીધા છે.
🩺 મોતનું રહસ્ય: ફોરેન્સિક રિપોર્ટે ખોલ્યા પાપના દ્વાર
ઘટનાની વિગત એવી છે કે ૧૦ એપ્રિલ ૨૦૨૬ના રોજ ગણાસર ગામના ઈન્દિરા આવાસમાં રહેતા ૩૦ વર્ષીય સંજય અજમલજી ઠાકોર પોતાના ઘરમાં મૃત હાલતમાં મળી આવ્યા હતા. શરૂઆતમાં આ એક સામાન્ય મોત જેવું લાગતું હતું, પરંતુ જ્યારે લાશનું ફોરેન્સિક પોસ્ટમોર્ટમ કરાવવામાં આવ્યું ત્યારે ચોંકાવનારો ખુલાસો થયો કે સંજયનું મોત ગળું દબાવવાને કારણે ગૂંગળામણ (Manual Strangulation) થી થયું હતું. આ રિપોર્ટ આવતા જ પોલીસ તરત જ એક્શનમાં આવી ગઈ હતી.
💔 પ્રેમમાં આંધળી બનેલી પત્નીએ પ્રેમીને બોલાવ્યો અને પતિનો જીવ લીધો
પોલીસ તપાસ દરમિયાન મૃતક સંજયના પિતાએ તેની પત્ની પાયલ અને ગામના જ એક યુવક રાહુલ ઘનશ્યામભાઈ ઠાકોર પર શંકા વ્યક્ત કરી હતી, કારણ કે આ બંને જણા ઘરેથી ગુમ હતા. સાણંદ પોલીસની ટીમે હ્યુમન સોર્સ અને ટેકનિકલ માધ્યમોથી આ બંનેને શોધી કાઢ્યા હતા.
જ્યારે પોલીસે કડકાઈથી પૂછપરછ કરી, ત્યારે પાયલે બધી હકીકત ઓકી નાખી હતી. ૧૦ એપ્રિલની રાત્રે પતિ-પત્ની વચ્ચે ઝઘડો થયો હતો. આ દરમિયાન પાયલે તેના પ્રેમી રાહુલને ઘરે બોલાવ્યો હતો. રાહુલે સંજયના બંને હાથ પકડી રાખ્યા હતા અને પાયલે ટુવાલ તથા ઓશીકા વડે પતિનું ગળું અને મોઢું દબાવીને તેની હત્યા કરી નાખી હતી. પાપ છુપાવવા માટે તેઓ લાશને ખાટલામાં જ મૂકી, બહારથી દરવાજો બંધ કરીને ફરાર થઈ ગયા હતા.
👮 સાણંદ પોલીસની સરાહનીય કામગીરી: ૨૪ કલાકમાં આરોપીઓ જેલમાં
સાણંદ : આ મર્ડર કેસની ગંભીરતાને જોતા પોલીસ મહાનિરીક્ષક રાઘવેન્દ્ર વત્સ અને અમદાવાદ ગ્રામ્ય એસપી ઓમપ્રકાશ જાટના માર્ગદર્શન હેઠળ સાણંદ પી.આઈ. બી.ટી. ગોહિલ અને તેમની ટીમે તપાસ તેજ કરી હતી. પોલીસે ગણતરીના કલાકોમાં જ પાયલ ઠાકોર (ઉ.વ. ૨૫) અને રાહુલ ઠાકોર (ઉ.વ. ૨૩) ને પકડી પાડ્યા છે. પોલીસે ભારતીય ન્યાય સંહિતા ૨૦૨૩ની કલમ ૧૦૩(૧) અને ૫૪ મુજબ ગુનો નોંધી આગળની કાયદેસરની કાર્યવાહી હાથ ધરી છે.
ગણાસર ગામમાં બનેલી આ ઘટનાએ સમગ્ર પંથકમાં ચકચાર મચાવી દીધી છે, ત્યારે પોલીસની આ ઝડપી કામગીરીને લોકો બિરદાવી રહ્યા છે.
બગોદરામાં સરકારી ST બસની ડેકીમાંથી દારુની 641 બોટલો પકડાતા ખળભળાટ, LCB ની કાર્યવાહી
