ક્રાઈમ બ્રાન્ચ : જમાલપુર બ્રિજ નીચેથી ‘રીક્ષા ગેંગ’ના ત્રણ સાગરીતો ઝડપાયા
અમદાવાદમાં રીક્ષામાં બેસતા પહેલાં સો વાર વિચારજો! ક્રાઈમ બ્રાન્ચે પકડી એવી ગેંગ જે સીનિયર સિટીઝન્સને જ બનાવતી હતી નિશાન
અમદાવાદ શહેર ક્રાઈમ બ્રાન્ચ : જો તમે કે તમારા પરિવારના કોઈ વડીલ રીક્ષામાં મુસાફરી કરી રહ્યા હોય, તો સાવધ થઈ જવાની જરૂર છે. અમદાવાદ શહેરમાં પેસેન્જરના સ્વાંગમાં બેસીને વૃદ્ધોની નજર ચૂકવી દાગીના અને રોકડની ચોરી કરતી એક ખતરનાક ટોળકીને અમદાવાદ શહેર ક્રાઈમ બ્રાન્ચે ઝડપી લીધી છે. પોલીસની ગિરફતમાં આવેલા આ શખ્સો પાસેથી લાખોની કિંમતના સોનાના દાગીના અને રોકડ જપ્ત કરવામાં આવી છે.
નિવૃત્ત SRP PI પણ બન્યા શિકાર
આ ટોળકીની હિંમત અને આક્રમકતા વિચારવા લાયક છે. તેમણે એક નિવૃત્ત SRP PI ને પણ છોડ્યા નહોતા. આ નિવૃત્ત અધિકારી જ્યારે પોતાના વતનમાં લગ્ન પ્રસંગે જવા માટે પેન્શનના રૂપિયા અને ઘરેણાં લઈને રીક્ષામાં બેઠા, ત્યારે આ ટોળકીએ તેમની નજર ચૂકવી ચોરી કરી હતી. આ બનાવ બાદ ક્રાઈમ બ્રાન્ચ સક્રિય થઈ હતી અને જમાલપુર બ્રિજ નીચેથી ઓટોરીક્ષા સાથે ત્રણ શખ્સોને ઝડપી પાડ્યા હતા.
કેવી રીતે શિકાર બનાવતી હતી આ ‘ચાચા ગેંગ’?
પોલીસ તપાસમાં સામે આવ્યું છે કે આ ટોળકી ખૂબ જ શાતિર રીતે ગુનાને અંજામ આપતી હતી. તેમની મોડસ ઓપરેન્ડી કંઈક આવી હતી:
• સૌ પ્રથમ રીક્ષાની નંબર પ્લેટ કાઢી નાખતા જેથી કોઈ ઓળખી ન શકે.
• શહેરના અલગ-અલગ વિસ્તારોમાં ફરીને માત્ર સીનિયર સિટીઝન્સને જ ટાર્ગેટ કરતા.
• વૃદ્ધોને પેસેન્જર તરીકે બેસાડી, વાતોમાં ભોળવી કે નજર ચૂકવી તેમના થેલામાંથી દાગીના કે રોકડ સેરવી લેતા.
• ચોરી કર્યા બાદ ગણતરીની મિનિટોમાં જ પેસેન્જરને રીક્ષામાંથી ઉતારી દઈ રફુચક્કર થઈ જતા.
કોણ છે આ પકડાયેલા આરોપીઓ?
ક્રાઈમ બ્રાન્ચે જે ત્રણ શખ્સોને પકડ્યા છે તેમાં મુખ્ય સૂત્રધાર ‘ચાચા’ છે.
1. મોહમદ યુનુસ ઉર્ફે ચાચા (ઉં.વ. ૪૬): જેની સામે અગાઉ પણ સેટેલાઇટ અને અમરાઈવાડી પોલીસ સ્ટેશનમાં ગુના નોંધાયેલા છે.
2. ઈમ્તિયાઝ ઉર્ફે કુલી (ઉં.વ. ૩૬): આ શખ્સ પણ ગુનાહિત ઇતિહાસ ધરાવે છે.
3. સકીલ સલીમભાઈ અંસારી (ઉં.વ. ૩૮): આ ટોળકીનો ત્રીજો સાગરીત છે.
અમદાવાદ શહેર ક્રાઈમ બ્રાન્ચ : ૧૫ લાખથી વધુનો મુદ્દામાલ જપ્ત
પોલીસે આ ટોળકી પાસેથી કુલ રૂપિયા ૧૫,૩૮,૦૦૦/- નો મુદ્દામાલ રિકવર કર્યો છે. જેમાં:
• સોનાની મગમાળા, ચેઈન, હાર અને વીંટીઓ (કિંમત અંદાજે રૂ. ૮.૫૦ લાખ).
• રોકડા રૂપિયા ૫,૨૮,૦૦૦/-.
• ચોરીમાં વપરાતી ઓટોરીક્ષા અને મોબાઈલ ફોન.
અમદાવાદ શહેર ક્રાઈમ બ્રાન્ચ : અન્ય અનેક ગુનાઓની કબૂલાત
અમદાવાદ શહેર ક્રાઈમ બ્રાન્ચ : પકડાયેલા આરોપીઓની પૂછપરછમાં ચોંકાવનારા ખુલાસા થયા છે. આ ટોળકીએ માત્ર સરદારનગર જ નહીં, પણ વાસણા બસ સ્ટેન્ડ, નરોડા પાટિયા અને જશોદાનગર જેવા વિસ્તારોમાં પણ વૃદ્ધો અને મહિલાઓને શીકાર બનાવી હોવાની કબૂલાત કરી છે.
અમદાવાદ શહેર ક્રાઈમ બ્રાન્ચ : નાગરિકોને અપીલ :
અમદાવાદ શહેર ક્રાઈમ બ્રાન્ચ : અજાણી રીક્ષામાં બેસતી વખતે સાવચેતી રાખવી અને કિંમતી સામાન પોતાની નજર સામે રાખવો. જો તમારી સાથે આવો કોઈ બનાવ બને તો તુરંત નજીકના પોલીસ સ્ટેશનનો સંપર્ક કરવો.
સરખેજ પોલીસ : ઉંચા ભાડાની લાલચ આપી ચીટિંગ : 30થી વધુ વાહનોની છેતરપીંડીનો ભાંડો ફુટ્યો
ધ્રૃજાવી દેતુ સત્ય – બંગાળ ફાઈલ્સ | Bengal Files | Vimarsh |
