ક્રાઈમ બ્રાન્ચ : એલીસબ્રીજમાં થયેલી ₹7.38 લાખની ઘરફોડ ચોરીનો ભેદ ઉકેલાયો

અમદાવાદ ક્રાઈમ બ્રાન્ચ ને મોટી સફળતા: એલીસબ્રીજમાં થયેલી ₹7.38 લાખની ઘરફોડ ચોરીનો ભેદ ઉકેલાયો, ત્રણ રીઢા તસ્કરો ઝડપાયા

વિદેશ ગયેલા મકાનમાલિકના બંધ ઘરને બનાવ્યું હતું નિશાન

અમદાવાદ શહેરના એલીસબ્રીજ વિસ્તારમાં આશરે સાડા પાંચ મહિના પહેલા થયેલી એક મોટી ઘરફોડ ચોરીનો ભેદ ઉકેલવામાં અમદાવાદ ક્રાઈમ બ્રાન્ચ ને સફળતા મળી છે. એલીસબ્રીજની પ્રીતમ નગર સોસાયટીમાં રહેતા અને હાલ વિદેશ ગયેલા એક મકાનમાલિકના બંધ ઘરના દરવાજાનું તાળું તોડી તસ્કરો સોના-ચાંદીના દાગીના અને રોકડની ચોરી કરી ફરાર થઈ ગયા હતા. ક્રાઈમ બ્રાન્ચે આ ગુનામાં સંડોવાયેલા ત્રણ આરોપીઓની ધરપકડ કરી કાયદેસરની કાર્યવાહી હાથ ધરી છે.

ક્રાઈમ બ્રાન્ચ દ્વારા સોના-ચાંદીના દાગીના અને રિક્ષા સહિત ₹7.38 લાખનો મુદ્દામાલ જપ્ત

પોલીસે આરોપીઓ પાસેથી કુલ ₹7,38,500 ની કિંમતનો મુદ્દામાલ રિકવર કર્યો છે. જપ્ત કરાયેલી ચીજવસ્તુઓની વિગત નીચે મુજબ છે:

• સોનાનું મંગળસૂત્ર: ₹1,83,000

• સોનાનો હાર: ₹2,05,000

• સોનાની 3 બંગડીઓ: ₹2,85,000

• રણછોડરાયજીના ચિત્રવાળું સોનાનું પેન્ડલ: ₹34,000

• ચાંદીના સિક્કા અને અન્ય દાગીના. આ ઉપરાંત, ચોરી કરવા માટે ઉપયોગમાં લેવાયેલી સીએનજી ઓટો રિક્ષા (GJ-27-Y-0424) અને ઘરફોડ માટે વપરાતા ડિસમિસ પણ કબજે કરવામાં આવ્યા છે.

આ પણ જુઓ

કસાબ વિશે આ શાંભળ્યુ છે..?

ક્રાઈમ બ્રાન્ચ : ઝડપાયેલા આરોપીઓની વિગત

ક્રાઈમ બ્રાન્ચે બાતમીના આધારે નીચેના ત્રણ શખ્સોની ધરપકડ કરી છે:

1. કરણ ઉર્ફે ટોકો: રહે. શાહપુર, અમદાવાદ.

2. જયેશ ઉર્ફે બડિયો: રહે. માધવપુરા, અમદાવાદ.

3. ધર્મેશ ઉર્ફે જગો: રહે. વાસણા, અમદાવાદ.

ઝડપાયેલા આરોપીઓનો ગુનાહિત ઈતિહાસ

પકડાયેલા તસ્કરોનો ગુનાહિત ઈતિહાસ પોલીસ તપાસમાં બહાર આવ્યું છે કે પકડાયેલા આરોપીઓ રીઢા ગુનેગાર છે અને અગાઉ પણ અનેક ચોરીના ગુનામાં સંડોવાયેલા છે. આરોપી જયેશ ઉર્ફે બડિયો સામે વાડજ, નવરંગપુરા અને નારણપુરા પોલીસ સ્ટેશનમાં ઘરફોડ ચોરીના ગુના નોંધાયેલા છે. જ્યારે ધર્મેશ ઉર્ફે જગો સામે મણિનગર, સેટેલાઈટ, એલીસબ્રીજ, નવરંગપુરા અને નારણપુરા પોલીસ સ્ટેશનમાં અસંખ્ય ગુનાઓ નોંધાયેલા હોવાનું સામે આવ્યું છે. હાલમાં આ તમામ આરોપીઓને આગળની કાર્યવાહી માટે એલીસબ્રીજ પોલીસ સ્ટેશન સોંપવાની તજવીજ હાથ ધરવામાં આવી છે.

• Gujarat : સરહદના રક્ષકોને ગુજરાત સરકારની ભેટ! હવે ઘરનો પંચાયત કર નહીં ભરવો પડે
• PM Modi : ભારત મંડપમમાં ડિપ્લોમેસીનો ધમધમાટ: પીએમ મોદી અને પુતિન વચ્ચે દ્વિપક્ષીય બેઠક
• Chinmoy Krishna : મા જીવતી હતી ત્યારે પેરોલ નહીં, મર્યા પછી માત્ર ૫ કલાક… બાંગ્લાદેશની કડવી હકીકત
• Gujarat : હવે દુકાનો 24×7 ખુલ્લી રહી શકશે: ‘ઈઝ ઓફ ડૂઈંગ બિઝનેસ બિલ 2026’ વિધાનસભામાં પસાર
• BRICS : દિલ્હીમાં જામશે વિશ્વના મહાનાયકોનો મેળો: BRICS 2026 માં રચાશે નવો ઈતિહાસ