માત્ર ‘મારા ઓટલે બેસશો નહીં’ તેમ કહેવું ભારે પડ્યું! બહેરામપુરામાં ૧૯ વર્ષના યુવકની ઠંડા કલેજે હત્યા, ક્રાઈમ બ્રાન્ચે ગણતરીના કલાકોમાં આરોપીઓને દબોચ્યા
ક્રાઈમ બ્રાન્ચ : શહેરમાં કાયદો અને વ્યવસ્થાની સ્થિતિ વચ્ચે એક ચોંકાવનારી ઘટના સામે આવી છે. અમદાવાદના બહેરામપુરા વિસ્તારમાં માત્ર ઘરના ઓટલા પર બેસવા જેવી સામાન્ય બાબતની અદાવત રાખીને એક ૧૯ વર્ષના નિર્દોષ યુવકની હત્યા કરી દેવામાં આવી છે. અમદાવાદ ક્રાઈમ બ્રાન્ચે આ મામલે ત્વરિત કાર્યવાહી કરીને ગણતરીના કલાકોમાં જ હત્યાનો ભેદ ઉકેલી નાખ્યો છે.
શું હતી સમગ્ર ઘટના?
ક્રાઈમ બ્રાન્ચ : બહેરામપુરા વિસ્તારમાં આવેલા હીરાલક્ષ્મી ફ્લેટની સામે ૧૯ વર્ષીય હિમલેશ દિનેશભાઈ પરમાર રહેતો હતો. હિમલેશે અગાઉ આરોપીઓને તેના ઘરના ઓટલા પર બેસવા અથવા ત્યાં બેસીને મોટેથી વાતો ન કરવા માટે વારંવાર ટોક્યા હતા. આ નાનકડી વાતનો ખાર રાખીને આરોપીઓએ હિમલેશને રસ્તામાંથી હટાવવાનું ભયાનક કાવતરું ઘડી નાખ્યું હતું.
ચોટીલાથી ખાસ મંગાવ્યો હતો ‘ડિઝાઈનર છરો’
પોલીસ તપાસમાં બહાર આવેલી વિગતો અનુસાર, આ હત્યા કોઈ આકસ્મિક ઝઘડાનું પરિણામ નહોતી, પરંતુ એક પૂર્વઆયોજિત કાવતરું હતું. મુખ્ય આરોપી (જે એક સગીર છે) એ હિમલેશની હત્યા કરવાના ઈરાદે ખાસ સુરેન્દ્રનગરના ચોટીલા વિસ્તારમાં જઈને એકાંતરે એક ઘાતક ડિઝાઈનર છરો (ખંજર) ખરીદ્યો હતો. આ બાબત દર્શાવે છે કે આરોપીઓએ કેટલી ક્રૂરતાથી આ ગુનાનું પ્લાનિંગ કર્યું હતું.
પોલીસની બાજ નજર અને ગણતરીના કલાકોમાં ધરપકડ
કાગડાપીઠ પોલીસ સ્ટેશનમાં નોંધાયેલા આ અનડિટેક્ટ મર્ડર કેસ (FIR 111/2026) ની ગંભીરતા જોઈને અમદાવાદ ક્રાઈમ બ્રાન્ચની ટીમો તાત્કાલિક એક્શનમાં આવી હતી. હ્યુમન ઇન્ટેલિજન્સ અને બાતમીદારોના નેટવર્કનો ઉપયોગ કરીને પોલીસે ગણતરીના કલાકોમાં જ મુખ્ય આરોપી સગીર અને તેના સાથીદાર ગૌતમ ઉર્ફે “ઇન્ડો” રામુભાઈ સોલંકી (ઉંમર: ૧૯ વર્ષ) ને ઝડપી પાડ્યા હતા.
આગળની કાર્યવાહી
ક્રાઈમ બ્રાન્ચે બંને આરોપીઓની ધરપકડ કરીને કાયદેસરની કાર્યવાહી હાથ ધરી છે. ગુનામાં વપરાયેલું હથિયાર રિકવર કરવા અને વધુ તપાસ માટે આરોપીઓને કાગડાપીઠ લોકલ પોલીસને સોંપવાની તજવીજ ચાલી રહી છે. માત્ર સામાન્ય બોલાચાલીમાં એક આશાસ્પદ યુવકની હત્યાથી સમગ્ર વિસ્તારમાં ચકચાર મચી ગઈ છે.
ક્રાઈમ બ્રાન્ચ : જમાલપુર બ્રિજ નીચેથી ‘રીક્ષા ગેંગ’ના ત્રણ સાગરીતો ઝડપાયા
ધ્રૃજાવી દેતુ સત્ય – બંગાળ ફાઈલ્સ | Bengal Files | Vimarsh |
