કૂટનીતિ : પશ્ચિમ એશિયામાં શાંતિ માટે PM મોદીની એક્ટિવ ડિપ્લોમસી: ફ્રાન્સ, જોર્ડન અને ઓમાનના ટોચના નેતાઓ સાથે કરી ગંભીર ચર્ચા
કૂટનીતિ : પશ્ચિમ એશિયામાં સર્જાયેલી અસ્થિરતા અને વધી રહેલા તણાવ વચ્ચે વડાપ્રધાન નરેન્દ્ર મોદીએ વિશ્વ સ્તરે શાંતિ સ્થાપવા માટે કૂટનીતિ તેજ કરી છે. ૧૯ માર્ચ ૨૦૨૬ના રોજ PM મોદીએ ફ્રાન્સના રાષ્ટ્રપતિ, જોર્ડનના શાહ અને ઓમાનના સુલ્તાન સાથે ટેલિફોનિક વાતચીત કરી આ ક્ષેત્રમાં જલ્દીથી શાંતિ અને સ્થિરતા સ્થાપવા પર ભાર મૂક્યો હતો.
કૂટનીતિ : ફ્રાન્સના રાષ્ટ્રપતિ મેક્રોન સાથે શાંતિ માટે મંથન
કૂટનીતિ : વડાપ્રધાન મોદીએ તેમના ‘પ્રિય મિત્ર’ ફ્રાન્સના રાષ્ટ્રપતિ ઈમેન્યુઅલ મેક્રોન સાથે વાત કરી પશ્ચિમ એશિયાની સ્થિતિ પર ચર્ચા કરી હતી. બંને નેતાઓએ સંમત થયા હતા કે હાલના તણાવને ઘટાડવાની તાતી જરૂર છે અને સંવાદ તથા કૂટનીતિના માર્ગે પાછા ફરવું જ શ્રેષ્ઠ ઉપાય છે. PM મોદીએ સોશિયલ મીડિયા પ્લેટફોર્મ X પર લખ્યું કે, ભારત અને ફ્રાન્સ આ ક્ષેત્રમાં શાંતિ અને સ્થિરતા વધારવા માટે પરસ્પર સંકલન જાળવી રાખશે.
જોર્ડનના શાહ સાથે વાતચીત: ઉર્જા ક્ષેત્રો પરના હુમલાની નિંદા
કૂટનીતિ : PM મોદીએ જોર્ડનના શાહ મહામહિમ કિંગ અબ્દુલ્લા દ્વિતીય સાથે પણ મહત્વની વાત કરી હતી. આ દરમિયાન વડાપ્રધાને તેમને ઈદની આગોતરી શુભેચ્છાઓ પાઠવી હતી. વાતચીતમાં પશ્ચિમ એશિયામાં ઉર્જા સંબંધિત ઈન્ફ્રાસ્ટ્રક્ચર પર થઈ રહેલા હુમલાઓની કડક શબ્દોમાં નિંદા કરવામાં આવી હતી અને તેને અટકાવવા અપીલ કરી હતી. આ ઉપરાંત, જોર્ડનમાં ફસાયેલા ભારતીયોની સુરક્ષિત વાપસીમાં જોર્ડને જે મદદ કરી છે, તે બદલ PM મોદીએ તેમનો આભાર માન્યો હતો.
ઓમાનના સુલ્તાન સાથે દરિયાઈ સુરક્ષા પર ચર્ચા
ઓમાનના સુલ્તાન હૈથમ બિન તારિક સાથેની વાતચીતમાં પણ PM મોદીએ ઈદની શુભેચ્છાઓ આપી હતી. બંને નેતાઓએ ખાસ કરીને હોર્મુઝ જલડમરૂમધ્ય (Strait of Hormuz) માંથી સુરક્ષિત અને અવરોધ વિનાના નૌકાવિહાર માટે પોતાની પ્રતિબદ્ધતા વ્યક્ત કરી હતી. ભારત દ્વારા ઓમાનની સાર્વભૌમત્વ અને પ્રાદેશિક અખંડિતતાના ઉલ્લંઘનની નિંદા કરવામાં આવી હતી અને ઓમાન દ્વારા ભારતીયોને પરત લાવવામાં કરાયેલા પ્રયાસોની પ્રશંસા કરાઈ હતી.
શાંતિ માટે ભારતનો સંદેશ
કૂટનીતિ : તમામ નેતાઓ સાથેની વાતચીતમાં PM મોદીનો એક જ સ્પષ્ટ સંદેશ હતો: “યુદ્ધ નહીં પણ સંવાદ”. ભારત પશ્ચિમ એશિયામાં માલસામાન અને ઉર્જાના મુક્ત પરિવહનનો ટેકો આપે છે અને ઈચ્છે છે કે આ ક્ષેત્રમાં જલ્દીથી શાંતિ અને સુરક્ષા સ્થાપિત થાય.
આ મહત્વપૂર્ણ વાતચીતો દર્શાવે છે કે વૈશ્વિક કટોકટીના સમયે ભારત એક જવાબદાર મધ્યસ્થી તરીકે ઉભરી રહ્યું છે અને પશ્ચિમ એશિયાના દેશો સાથે ભારતના સંબંધો વધુ મજબૂત બની રહ્યા છે.
કૂટનીતિ : ‘વિશ્વ બંધુ’ ભારતની આગેવાની
કૂટનીતિ : વડાપ્રધાન નરેન્દ્ર મોદીની આ સક્રિય કૂટનીતિ માત્ર રાજદ્વારી સંબંધોનો ભાગ નથી, પરંતુ તે ‘નવા ભારત’ની વધતી જતી વૈશ્વિક પ્રતિષ્ઠા અને પ્રભાવનો પુરાવો છે. જ્યારે વિશ્વના વિકસિત દેશો સંઘર્ષોમાં અટવાયેલા છે, ત્યારે PM મોદી એક ‘વિશ્વ બંધુ’ અને શાંતિદૂતના રૂપમાં ઉભરી આવ્યા છે, જે યુદ્ધ નહીં પણ બુદ્ધ અને સંવાદની વાત કરે છે.
ખાસ કરીને જોર્ડન અને ઓમાન જેવા ઇસ્લામિક રાષ્ટ્રો સાથેનો તેમનો આત્મીય ‘ભાઈચારો’ અને ત્યાં ફસાયેલા હજારો ભારતીયોની સુરક્ષિત વાપસી માટે મળેલો સહયોગ એ સાબિત કરે છે કે આજે વિશ્વ મંચ પર ભારતની અવાજ કેટલો પ્રબળ છે. દેશના હિતોનું રક્ષણ કરવાની સાથે-સાથે વૈશ્વિક શાંતિ માટે મોદીજીનું આ દૂરંદેશી નેતૃત્વ ભારતને સાચા અર્થમાં ‘વિશ્વ બંધુ‘ બનવા તરફ અગ્રેસર કરી રહ્યું છે.
UCC : સમાન નાગરિક સંહિતા (UCC) લાગુ થવાની તૈયારી? જાણો CMને સોંપાયેલા રિપોર્ટમાં શું છે ખાસ!
