MD Drugs : અમદાવાદ શહેર ક્રાઈમ બ્રાંચે એમ.ડી. ડ્રગ્સના મુખ્ય સપ્લાયર ડ્રગ્સ માફિયા આરીફ બોસ અને ચિન્કુ પઠાણને ઝડપી લીધા છે.
MD Drugs : ભારતમાં ડ્ર્ગ્સની હેરાફેરીમાં પાકિસ્તાની આઈએસઆઈનો હાથ
પાકિસ્તાન બોર્ડર પર ભારત સરકારે શિકંજો કસતા આતંકવાદીઓની ઘુસણખોરી પર લગામ લાગી ગઈ છે. જેને લઈને ભારતમાં અશાંતિ ફેલાવવા સાથે વિવિધ પ્રકારે નુકશાન કરવાની પાકિસ્તાનની મેલી મુરાદ પર પણ લગભગ પાણી ફરી વળ્યુ છે. જેના કારણે ધુંધવાયેલા આઈએસઆઈ અને પાકિસ્તાન સેના દ્વારા ભારતને નુકશાન કરવા નિત નવા ઉપાયો અજમાવવામાં આવી રહ્યા છે.
આવા જ એક હિણપતભર્યા પ્રયાસ સ્વરૂપે પાકિસ્તન દ્વારા સરહદી રાજ્યો સહિત જલમાર્ગોનો ઉપયોગ કરી ભારતમાં ડ્રગ્સ ધુસાડવાના પ્રયાસોને વેગ આપવામાં આવી રહ્યો છે. જેમાં પાકિસ્તાન દ્વારા ભારતમાં રહેલા ડ્રગ્સમાફિયાઓને સહારો લેવામાં આવી રહ્યો છે. જેને લઈને ભારત સરકારની વિવિધ એજન્સીઓ સતર્ક થઈ ગઈ છે અને રાજ્યોની એજન્સીઓને પણ સતર્ક રહેવા સુચનો કરી દેવાયા છે.
આ સાથે ગુજરાત સરકારે ગુજરાતના યુવાધનને ડ્રગ્સના નશાથી બરબાદ થતાં અટકાવવા અને નશીલા પદાર્થની બદીને ગુજરાતમાંથી નેસ્ત નાબુદ કરવા રાજ્યની એજન્સીઓને સતર્ક કરી છે.
MD Drugs : મેથા એમ્ફેટામાઈન(MD) ડ્રગ્સ કેસના આરોપીઓ
મેથા એમ્ફેટામાઈન(MD) ડ્રગ્સના રૂ. 1.47 કરોડની કિંમતના 1.469 કિં.ગ્રા. જથ્થો પકડાવાના કેસમાં આરોપીઓ મઝહરહુસેન ગુલામહુસેન તેજાબવાલા, ઇમ્તિયાઝ બનુભાઇ શેખ, ઇમરાન એહમદભાઇ અજમેરી અને સહેજાદહુસેન મજહરહુસેન તેજાબવાલાની 29 સપ્ટેમ્બર 2019ના રોજ ધરપકડ કરવામાં આવી હતી.
MD Drugs : મુંબઈ સ્થિત ડ્ર્ગ્સ સપ્લાયરની ભૂમિકા
આ કેસની ઝીણવટભરી તપાસ બાદ ક્રાઈમ બ્રાંચના ઉચ્ચ અધિકારીઓને એ સ્પષ્ટતા થઈ ગઈ હતી કે આ ગુનામાં મુંબઈ સ્થિત મુખ્ય ડ્રગ્સ સપ્લાયરની મહત્વની ભૂમિકા છે. જેથી ક્રાઈમ બ્રાન્ચની ટીમે આ દિશામાં તપાસ આગળ વધારી પૂરાવા એકત્ર કરવા પોલીસ ઇન્સ્પેક્ટર એ.વાય.બલોચની સીધી દેખરેખ અને માર્ગદર્શન હેઠળ એમ.ડી ડ્રગ્સનો જથ્થો પુરો પાડનાર ડ્રગ્સ માફિયાઓ સુધી પહોંચી તેઓની ધરપકડ કરવા સ્કોડના પો.સ.ઇ. એસ.બી.દેસાઇ અને તેમની ટીમે ઝીણવટભરી તપાસ હાથ ધરી હતી.
MD Drugs : મુંબઈનો સપ્લાયર અસ્ફાક બાવા ઝડપાયો
પકડાયેલા આરોપીઓની પુછપરછમાં બહાર આવ્યુ હતુ કે ડીઆરઆઈ દ્વારા પકડાયેલો 52 કિં.ગ્રા. એમડી ડ્રગ્સનો જથ્થો અસ્ફાક બાવા અને અન્ય સાગરિતો દ્વારા મેળવવામાં આવ્યો હતો. જેના આધારે મુંબઈના અફાકઅહેમદ ઉર્ફે અફાક બાવા ઉર્ફે અસ્ફાક બાવાને મહારાષ્ટ્ર ખાતેથી 16 સપ્ટેમ્બર 2020ના રોજ ઝડપી લેવામાં આવ્યો હતો.
MD Drugs : આરોપીઓનો થાણે જેલ ખાતેથી કબજો મેળવાયો
પુછપરછમાં ડ્રગ્સનો જથ્થો તેણે મુંબઇ સ્થિત સ્પ્લાયર ફરહાનખાન તથા રેહાનખાન પાસેથી અપાવેલ હોવાનું જાણવા મળ્યુ હતુ. જેના આધારે વધુ તપાસમાં ડ્રગ્સનો જથ્થો આપનાર આરોપી મોહમંદ ફરહાનખાન નાસીરખાન એન.સી.બી પોલીસ સ્ટેશનના NDPS Act 1985ના ગુનામાં મહારાષ્ટ્રની જ્યુડીશ્યલ કસ્ટડી હેઠળ સેન્ટ્રલ જેલ થાણે ખાતે કેદ હોવાનું જાણવા મળ્યુ હતુ.
જેથી આ આરોપી વિરૂધ્ધ પુરાવા એકઠા કરી કાયદાકિય કાર્યવાહી પુર્ણ કરી 17 જુલાઈ ૨૦૨૧ના રોજ ધરપકડ કરી આરોપીની ઘનિષ્ટ પૂછપરછ કરતાં કબજે લેવાયેલ મેથા એમ્ફેટામાઇન (એમ.ડી) ડ્રગ્સનો જથ્થો મુંબઇના મોટા ડ્રગ્સ માફિયા પરવેઝ ઉર્ફે ચિન્કુ પઠાણ નસરૂલ્લાખાન પઠાણ તથા આરીફ ઉર્ફે બોસ યાકુબ ભુજવાલા પાસેથી ખરીદી અફાકઅહેમદ ઉર્ફે અફાક બાવા ઉર્ફે અસ્ફાક બાવા મારફતે સહેજાદહુસેન તેજાબવાલા તથા ઇમરાન અજમેરીને વેચ્યો હોવાની જાણકારી મળી હતી.
જેના આધારે પોલીસ ઇન્સ્પેક્ટર એ.વાય.બલોચ નાઓની સૂચના અને માર્ગદર્શન હેઠળ સ્કોડના પો.સ.ઇ. એસ.બી.દેસાઇ અને તેમની ટીમે આરોપીઓ અંગે તપાસ કરતા આ ગુનાના સંડોવાયેલ બન્ને આરોપીઓ મુંબઇના સૌથી મોટા ડ્રગ્સના વેપારી હોવાનું અને તેઓ બન્ને હાલ મુંબઇ એન.સી.બી પોલીસ સ્ટેશન થાણે મહારાષ્ટ્રની જ્યુડીશ્યલ કસ્ટડી હેઠળ સેન્ટ્રલ જેલ થાણે ખાતે કેદમાં હોવાનું જાણવા મળ્યુ હતુ.
MD Drugs : પોલીસે રિમાનડ મેળવ્યા
જેથી ક્રાઈમ બ્રાંન્ચે આરોપીઓ વિરૂધ્ધ પુરાવા એકઠા કરી કાયદાકિય કાર્યવાહી પુર્ણ કરી બન્ને આરોપીઓનો સેન્ટ્રલ જેલ થાણે ખાતેથી કબ્જો મેળવી પરવેઝખાન ઉર્ફે ચિન્કુ પઠાણ નસરૂલ્લાખાન, ઉ.વ.૩૯ અને મોહમંદઆરીફ ઉર્ફે આરીફ બોસ મોહમંદયાકુબ ભુજવાલાની ધરપકડ કરી રિમાન્ડ મેળવ્યા છે.
MD Drugs : સપ્લાય ચેન મુંબઈથી દુબઈ સુધી
બન્ને આરોપીએની પૂછપરછમાં તેઓ બન્ને મુંબઇ ખાતે એમ.ડી ડ્રગ્સના મુખ્ય સ્પ્લાયર છે અને તેઓ દુબઇ ખાતે રહી ભારતમાં એમ.ડી ડ્રગ્સનું નેટવર્ક ચલાવતા સુત્રધાર કૈલાશ રાજપુત સાથે મળી ભારતમાં એમ.ડી ડ્રગ્સ સપ્લાયનું નેટવર્ક કૈલાશ રાજપુતના માણસ મુંબઈ ખાતે રહેતા સિકંદર મારફતે ચલાવતા હતા.આ બન્ને પૈકી આરીફ બોસ ઘણી વખત દુબઇ ખાતે જઇ એમ.ડી ડ્રગ્સ અંગે મિટીંગ કરેલ હોવાનું બહાર આવ્યુ છે. તેના હાથ નીચે મુંબઇમાં ઘણા સપ્લાયર છે.જે તમામ અલગ અલગ રાજ્યમાં એમ.ડી ડ્રગ્સની સપ્લાયની ચેઇન ચલાવે છે. બન્ને આરોપીઓએ પૂછપરછમાં દર મહિને આશરે ૩૦કિ.ગ્રામ જેટલો એમ.ડી ડ્રગ્સનો સપ્લાય કરતાં હોવાની કબૂલાત કરેલ છે.
આરોપીઓને ગુનાહિત ઈતિહાસ
(૧) મુંબઇના પાયદોની પોલીસ સ્ટેશનમાં ૧ કિલો એમ.ડી ડ્રગ્સના કેસમાં પકડાયેલ છે.
(૨) એન.સી.બી પોલીસ સ્ટેશન દ્વારા આરોપી આરીફ બોસ પાસેથી ૫.૩૭૫ કિ.ગ્રા મેફેડ્રોન ડ્રગ્સ, ૬.૧૨૬ કિ.ગ્રા એફેડ્રીન ડ્રગ્સ, ૯૯૦ ગ્રામ મેથા એમ્ફેટામાઇન ડ્રગ્સ તથા રોકડ રૂપિયા ૨,૧૮,૨૬,૦૦૦/- કબ્જે કરેલ.તે કેસમાં પકડાયેલ છે.
(૩) મીરા ભયંદર એ.એન.સી પોલીસ સ્ટેશનમાં ૨૫૦ ગ્રામ ડ્રગ્સના કેસમાં પકડાયેલ છે.
(૪) એ.ટી.એસ મુંબઇ દ્વારા ૫૨ ગ્રામ ડ્રગ્સના કેસમાં પકડાયેલ છે.
તાજા સમાચાર
- અસલાલીમાં 1.53 લાખના દારુ સાથે 3 શખ્સો ઝડપાયા
- પ્રેમલગ્નનો કરુણ અંજામ : પતિએ કરી પત્નીની હત્યા
- અમદાવાદમાં રીક્ષા કેબ/ટેક્ષીના ડ્રાઈવરોએ સીટ પાછળ લખવા પડશે નામ, વાહન નંબર અને મોબાઈલ નંબર
- અમદાવાદ ગ્રામ્ય પોલીસનું માનવતા સભર પગલુ
- LCB એ ચાલુ ટ્રકમાંથી ચોરી કરતી ગેંગના 6 સાગરીતો ઝડપી લીધા
આ ગુન્હામાં પકડાયેલ અમદાવાદ ખાતે ડ્રસ્ગનો ધંધો કરનાર ઇમરાન અજમેરી તથા સહેજાદહુસેન તેજાબવાલા નાઓ પેરોલ ઉપર છુટ્યા બાદ ફરી એમ.ડી ડ્રગ્સનો વેપાર કરતા તા.તા.૧૨/૦૯/૨૦૨૦ ના રોજ મેફેડ્રોન ૯૯૫ ગ્રામ કિ.રૂ.૯૯,૫૦,૦૦૦/- તથા એલ્ટો કાર કિ.રૂ.૧,૫૦,૦૦૦/- તથા અન્ય ચીજ વસ્તુ મળી કુલ્લે રૂપિયા ૧,૦૧,૪૪,૯૦૦/- નો મુદ્દામાલ કબ્જે કરી ડીસીબીપોલીસ સ્ટેશન પાર્ટ બી-ગુ.ર.નં.૧૧૧૯૧૦૧૧૨૦૧૨૪/૨૦૨૦ એન.ડી.પી.એસ. એકટ અંતર્ગત ગુન્હો દાખલ કરવામાં આવેલ જે ગુન્હામાં હાલ જ્યુડીશ્યલ કસ્ટડીમાં છે.
આ પણ જુઓ
Mission Indradhanush : “મિશન ઈન્દ્રધનુષ” 4 નો પ્રારંભ
